كيكة التويكس

السلام عليكم ورحمة الله وبركاته
مساء السعادة 🌸
كيكة التويكس
طعمها فضيع تستحق التجربة 👍👌
طريقتها :
_نخفق 2_بيض مع ربع كوب سكر وفانيلا
_نضيف عليها نص كوب زيت وكوب حليب سائل
نخلطهم ونضيف عليها كوب ونص دقيق
وكوب حليب بودرة وملعقه كبيرة باكينج بودر
نخلطهم مع بعض ونصبها في الصينية المدهونه وع الفرن المسبق التشغيل من تحت وبعدين نحمرها من فوق
_بعد ماتستوي نجهز الطبقة الثانية :
1_بسكوت شاي
علبه قشطة
4_اصابع تويكس
نخلطهم في الخلاط الكهربائي ونوزعها على الكيكة
الطبقة الثالثة :
التوفي :
في قدر ع النار كوب سكر
نحرك القدر فقط *** مانحرك السكر بالملعقه ***
لحد مايتكرمل السكر
ونضيف عليه نص علبه نستله وظرف كريم كراميل وعلبه قشطة
وبعدين نخلطهم بالشوبك مضبوط لحد ما تمتزج جميع المقادير
***يحفظ في الثلاجة لشهر أو أكثر ***
_نوزع التوفي على طبقة البسكويت وندخلها الثلاجة تتماسك
تقريباً نص ساعة
_بعدين نجهز الطبقة الأخيرة :
نذوب شوكلاته خام مع جالكسي وعلبتين قشطة وثلاثة ملاعق كبيرة كاكاو بودرة
نذوبها في المكيرويف أو حمام مائي
ونصبها على التوفي ونرجعها الثلاجة نص ساعة
وتقدم بألف عافية ❤️ ❤️