اليوم يبتلكم كيكه جرفه...فعلا أحلى و أخف كيكة جرفه سويتها :p ...و تستحق إنكم اتجربونها :biggthump
بسم الله...
المقادير:كوبين طحين متعدد الإستعمالات
ملعقه كبيره بيكنغ باودر
ملعقه صغيره جرفه مطحونه
ثلاترباع الملعقه الصغيره ملح
ثلثين الكوب زبده قليلة الدسم(غير مملحه)
كوب و ثلث سكر
ملعقه و نص صغار فانيلا
3 بيضات
ثلثين الكوب حليب
صوص الجرفه:نص كوب سكر
6 ملاعق كبار زبده
ثلث كوب ماء
ملعقه صغيره فانيلا
ثلاترباع الملعقه الصغيره جرفه مطحونه
الطريقه:سخني الفرن على 175 سيليزي. ادهني صينية الكيك المدوره اللي مقاسها عشره إنش, و اللي فيها أشكال(خطوط مايله, قلوب أو مثلثات مب مشكله اللي متوفر عندج) و رشيها بشوية طحين. *
انخلي مع بعض الطحين, البيكنغ باودر و الجرفه و خليهم على صوب.
اخلطي مع بعض الزبده و يا السكر و الفانيلا الين ما تستوي الخلطه نثره.
ظيفي البيض على مراحل, وامبين كل بيضه و الثانيه اخلطي لمدة أقلها دقيقه.
ظيفي الطحين مع الحليب بالتناوب, و عقب صبي الخليط في صينية الكيك.
اخبزي الكيك في الفرن لمدة 40 دقيقه أو الين ما تنضج الكيكه (طبعا اتعرفين هالشي إذا دخلتي عود في نص الكيكه و طلع نظيف).
في هالأثناء حظري صوص الجرفه و خليه على صوب.*
طلعي الكيكه من الفرن و خليها تبرد عشر دقايق, و عقب اجلبيها على الشبك.
طلعي الكيكه من الصينيه و هي دافيه و استخدمي شوكه عشان تغرسينها في الكيكه من فوق و اتسوين ثقوب عالكيكه كامله.
صبي صوص الجرفه عالكيكه من فوق عشان يدخل في الثقوب و على أطراف الكيكه.
قصصي الكيكه على مزاجج و استمتعي بالمذاق الطيب...و بالعاااااااافيه عليكم :10_8_9:
وهاي الصوره...
ملاحظات: *طريقة تحظير الصوص: اخلطي مع بعض مقادير الصوص باستخدام تاوة التيفال و سخنيهم عالضو الين ما يثجل قوام الصوص و يتجانس الخليط.
*طريقه لإنزلاق الكيكه من الصينيه بدون ما تلصق فيها: خذي شوية زيت في ايدج و امسحي به صينية الكيك و اتأكدي من إنه كل ثنيه داخل الصينيه وصلها الزيت الممسوح, و عقب رشي الصينيه بشوية طحين و استغني عن الزياده, تنزلقلج الكيكه على طوووول من الصينيه :D
إن شاء الله اتعيبكم الكيكه, لأنها اطلعت وياي في غااااااية الروعه...جربوها و خبروني كيف ظهرت وياكم, ولاااااا تنسوني في الدعاء :wink2: