المقادير :
8 فنيال طحين بالخميرة ( الفنيال اقصد اللي نشرب به القهوه الخليجيه العربيه ) اكيد فهمتنوني ،، الفنيال الصغير ،، وهذي صورته
بس استخدموا اللي حجمه صغير مو الكبير 3 فنيال سكر مطحون ناعم
نص علبة حليب محلى
علبة قشطة
ملعقة اكل فانيلا سائله
2 مغلف دريم ويب
3 بيضات
علبة حليب ابو قوس ( اللي نحطها بالشاهي)
كوب جزر مبشور
ملعقة شاي قرفة ( دارسين ) مطحون ،، اذا ماتبين دارسين حطي هيل مطحون حسب الرغبة
ماء ورد فنيال واحد ( حسب الرغبة )
نص كوب زيت
كريمة بيتي كروكر الجاهزة
الطريقة :
خذي الجزر المبشور حطيه في قدر صغير عليه وفنيال سكر مطحون واحد بس خليهم يغلون مع اضافة فنيال ماء بس ،، عشان يذبل الجزر ،، هالطريقة زينه عشان لو حطيتي الجزر بالكيكه وهو مطبوخ يعطيها نككهه وطعم ،، لكن لو حطيتيه وهو مبشور ونيئ ماراح يعطي نكهه
بعد ماذبل الجزر سكري النار
واخلطي مقادير الكيكه المذكوره بالتدريج اخلطي اول المواد السائله ثم حطي الدقيق واخفقي بالمضرب اليدوي وليس الكهربائي ،،،
وادهني الصينيه بالزيت ورشيها بطحين شوي ،، وصبي الخليط واخبزيها ،،
واخر شي ادهني كريما بيتي كروكر الجاهزه البيضا ،،
ثلاثه كوب طحين ابيض
ملعقة كبيرة بكينج باودر او بكنج صودا
كوب كريمة الخفق
علبة اناناس مع الماء حقها
كوب زبدة لينه
كوبين سكر مطحون
خمس بيضات
ملعقتين شاي فانيلا سائلة
نص ملعقة شاي ملح
الطريقة :
اخلطي جميع المكونات الجافه في وعاء وفي وعاء ثاني اخلطي السكر مع الزبده والبيض والمكونات المذكوره مع علبة الاناناس ( طبعا الاناناس لازم يكون مطحون يعني حطي الاناناس مع الماء حقه في خلاطه واطحينهم سويهم عصير ، وحطي العصير على خلطة الكيكة ،،، واتبعي المقادير المذكوره واعملي الكيكه واخبزيها ،،
وبعد ماتبرد رشيلها بسكر مطحون وقدميها زي مابالصوره