اليوم عملت كيكة الجزر وعين الجمل
بناء عل طلب اولادي بيحبوها كتير الله يخليلي اياهم ويحفظهم ويهديهم
وطلبو ازينها على شكل حبيبتهم دورا و صديقها موزو
وبدون مقدمات
يلا نقول بسم الله
وماشاء الله تبارك الله
ونروح للكيكة
مقادير الكيكة
3 بيضات + 1 ملعقة كبيرة فانيليا
1 ونصف كوب سكر
ثلاث ارباع كوب زيت
عالخلاط
ثم نضع
1 كوب جزر مبشور
1 ملعقة صغيرة قرفة
1 ملعقة كبيرة بيكنج باودر
وكلهم بالتدريج عالخلط او الخفاقة
ونضع
1 كوب حليب سائل مابعرف وين اختفت صورته
بعدين نقطع الجوز عين جمل ونضع عليه ملعقة طحين
علشان يتتوزع داخل الكيكة ما ينزل عالقاع
بعدين بنحضر الصينية للخبز انا استخدمت صينية مستطيلة
ندهنا بزيت ورشة طحين
وصارت جاهزة للفرن
نخبزها على حرارة 180 لمدة نصف ساعة
وبعدين عالشواية للوجه ثواني بس
وهيك صارت كيكتنا جاهزة
يتبع التزيين :cook:
ماحدا يرد
اول شي بنحضر كريمتنا
انا بستخدم كريمة الزبدة
مقاديرها
نصف كوب زبدة او 100 جرام زبدة
نصف كوب سمنة كريسكو
400 جرام سكر بودرة نااااااااعم
2 ملعقة حليب
1 ملعقة فانيليا
كلهم عالمضرب الكهربائي
عالاقل 8 دقائق
وتصبح عنا الكريمة جاهزة
الان نعود للكيكة
ندهنها بالكريمة طبقة اولى
بعدين طبقة تانية
ونرسم الشكل اللي بتحبوه
انا هنا رسمت دورا و موزو بكريمة الزبدة بس لونتها بالوان ملابسهم
ما وضحت طريقة الرسم بالتفصيل لانه يطوووووووووووول شرحه
بدو دورة تزيين لحالها
وبعدين بنزين الاطراف
وصارت كيكتنا جاهزة
وخلص خلصنا
ما تنسو ترطبو السنتكم بذكر الله
ويارب تعجبكم
واشوف ردود تفتح النفس بعد كلللللللل هالتعب