قبل كمن يوم سويت كيكة الجوكلت بالبندق من موقع Joy of Baking
بس ما استخدمت السوس اللي هم حاطينها ..
استخدمت سوس ثاني لـ cup cake بعد موجود في نفس الموقع
وانا بحطلكم النوعين وانتوا اختاروا اللي تبونه
وهذا شكل الـ topping اللي استخدمته
المقادير
- 3/4 كوب بندق "مو مبشور ولا شرايح "
- 1/4 كوب دقيق " لجميع الاستخدامات "
- 1/4 ملعقة شاي ملح
- 4 بيضات كبار
- 170 قرام جوكلت التسييح
- 170 قرام زبدة غير مملحة
- 3/4 شكر ( تقسمينه الى 1/4 و 1/2 )
- 1 ملعقة صغيره فانيلا
- 1/4 ملعقة شاي Cream of Tartar .. ( انا مالقيت هذي الكريمه في الجمعيه .. ولا حطيت بديل لها )
صلصة الجوكلت
- 230 قرام جوكلت التسييح
- 3/4 كوب كريمة خفق ثقيله
- ملعقتين كبار زبدة غير مملحه
CupCake TopPinG
- 120 قرام جوكلت تسييح
- 6 ملاعق كبيره زبدة غير مملحه
- 3/4 ملعقة شاي فانيلا
- ملعقتين صغار شراب الذره Corn Syrup
- 1 1/3 شكر بودر Icing sugar
- 1/2 كوب Sour cream
- ملعقة ماي حار
الطريقة
- نضع البندق في صينية فرن على درجة حرارة 350 لمدة 15 دقيقه أو لين ما تشوفين انه القشر بدا يحمر ويتقشر
- من ثم طلعيه من الفرن وحطيه في وعاء وغطيه بـ فوطه عشان يحتفظ بالستيم ويتم رطب
- وبعدها شلي الفوطه وافركيها على البندق لين ما تنتزع قشوره
- نزيد على الفرن على درجة حرارة 375
- نقسم البيض في وعائين .. وعاء للبياض ووعاء لـ الصفار
- ونغطي الوعائين بـ بلاستيك لمدة 30 دقيقه الى ان ينكون بدرجة حرارة الغرفه
- على حمام بخار انسييح الجوكلت مع الزبدة
- ومن ثم نتركها جانباً
- في وعاء نخلط صفار البيض مع 1/2 كوب سكر لمدة 5 دقايق
- نضيف الفانيلا ونكمل الخفق
- وبعدها نضيفه الى خليط الجوكلت
- ونضيف عليهم الطحين والملح و البندق
- في وعاء نضرب بياض البيض على سرعة متوسطه الى ان يصبح رغوة
- بعدها نضع التارتار كريم ( انا ماحطيته لنه ماعندي )
- نستمر بالخفق ونضع 1/4 كوب السكر
- وبعدها ناخذ القليل من هذا الخليط ونضعه على خليط السابق ونخلطه
- وبعدها نضعه كامل ونخلطه الى ان يتمازج
- نضعه في وعاء للكيك يكون مسطح وممسوح بالزبده
- ونحطه في الفرن لـ مدة 40 - 45 دقيقه
طريقة الصلصه
- نقطع الجوكلت الى مكعبات في وعاء ستيل
- وعلى نار متوسطه نضع الكريم والزبده
- الى ان يصل الى درجة الغليان
- اول ما يغلي اتشيلينه واتحطينه على الجوكلت
- اخلطيه الى ان يسيح الجوكلت واتكون جذي الصلصه جاهزه
طريقة الفروستنق للكب كيك
- على حمام بخار نسييح الجوكلت والزبده
- وبعده انشله عن النار ونضيف عليه الفانيلا وشراب الذره
- وبعدها نضع السكر البودر
- ومن ثم نضع الكريمه الحامضه والماء الحار
- وبجذي اتكون الخلطه جاهزه للتزيين
وان شالله اتكون عجبتكم الطريقه
في انتظار ردودكم ^_^