كيكة الحليب مع الصوص😋

كيكة الحليب اللذيذه جدا
السلام عليكم كيفكم يالغوالي
اقدم لكم اليوم تطبيقي لكيكة الحليب وهي سهلةالتحضير نوعا ما
الله يجزي صاحبتها كل خير على الوصفه ذي
مدري من هي صاحبتها لاكن جعل بيتك دايما عامر ياعسل
وتجمل قدام الضيوف باذن الله
انا احبها لشكلها ولطعمها اللذيذ
ندخل بالمقادير
كوب طحين
كوب حليب بودره
كوب سكر
نص كوب زيت
نص كوب ماء
ملعقه كبيره بيكنج بودر
نص ملعقه صغيره حق الشاي بيكربونات الصوديوم (انا ماحطها)
رشة ملح
فانيليا
الطريقه:
تحمسين الحليب البودره حتى يشقر وتنخلينه وتخلطينه مع الطحين وباقي المواد الجافه
انا ماانخل اخلط على طول
تخفقين البيض والسكر والفانيليا لمدة سبع دقايق
الين ينفش ويتغير لونه
ثم تضيفين الزيت وتكملين الخلط ثم الماء بالتدريج
الين يتجانس
وصبيها فوق الطحين شوي شوي الين يتماسك
وصبيها في صينيه مدهونه ومرشوشه بالطحين عشان تخرج من القالب بسهوله
ودخليها بفرن حاار لمدة خمسه واربعين دقيقه لدرجه 180
انا ادخلها الفرن واوطي من فوق ومن اسفل واخليها الين تستوي يمكن تاخذ نص ساعه تقريبا
الصوص الابيض:
اربع جبن كيري ونص علبه حليب نستله الكبير المحلى وحطيهم بالخلاط وصبيهم على الكيكه لما تبردوزينيها بالكاكاو المبشور والبسكوت المكسر وصبي هيرشي السايل وكراميل السايل
والف الف عافيه
تقبلو تحياتي ومروري😊