نبتدي بسم الله :
نستخدم الكأس الكبير حق الماء برمز لهاك ك
أعتذر :eek: ماصورت الخطوات كنت مستعجلة
المقادير :
( حبتين بيض + نقطة خل + فانيليا / نص ك ك سكر / نص ك ك زيت / نص ك ك ماء / ك ك حليب بودره
ك ونص دخن / ملعقه كبيره بيكنج بودر / تمر معجون للحشوه )
الطريقة :
نخلط البيض والفانيليا والسكر ونقطة الخل عشان تشيل زفر البيض لين يتجانس ويذوب السكر
بعدين نضيف الماء والزيت ونخلط شوي ونضيف الحليب البودرة ونخلط جاء دور الدخن والبكنج بودر نحطهم اخر شي
ونخلط ندهن صينيه بايركس اكبر وحده ونصب نص الخليط . والتمر في النص ونغطي التمر بباقي الخليط اذا ثقل
الخليط وانت تحطين التمر مافي مشكله نزيد ماء ربع بيالة شاي او نص ونخلط ونرش على الوجه سمسم او حبة سوداء
حسب الرغبة.. وهذي الصوره
ملاحظة :
لتسهيل فرد التمر ادهني التمر زيت قليل وحطيه في كيس وافرديه بالشوبك عشان مايلصق .. وسلامتكم
جربوها والله مره لذييييييييييييييييييذه لا تفوتكم لاتفوتكم لا تفوتكم :angry2: اقول على بلاطه غصب سووووووها :angry2:
واللي تعجبها تدعي لي بحسن الخاتمه ورضى الرحمن