كيكة الدخن لمرضى السكر((مافيها ولا حبة سكر))

السلام عليكم ورحمة الله وبركاته
هذي كيكه سويتها عشان جدو فيه سكر
صحية وحلوة

2بيض + فانيلا او هيل + ربع كاس زيت "ممكن تسوينها بزيت الزيتون وممكن بزيت نور" +1كاس تمر "نوع صقعي"لان نسبة السكر فيه قليلة +كاس ماء حار+1ملعقة اكل ممسوحه "يعني مو مليانة"باكنج بودر+دخن مطحون



البسي قفاز وشيلي النوى من التمر
ثم صبي عليه 1 كاس ماء مغلي
واتركيه لحد ما يلين وتبرد المويه شوي
ثم اخلطيه بمحضرة الطعام عشان يصير ناعم

في زبدية اخلطي البيض والزيت والفانيلا " واذا حطيتي زيت زيتون كثري من الفانيلا عشان ريحته تبين"

ثم اضيفي له خليط التمر

واخلطي

ثم اضيفي الدخن ملعقة ملعقة الى ان يصير خليط كيك مضبوط انا ما حسبت كم ملعقة حطيت
بس كل شوي احط ملعقة الى ان اصبح زي خليط الكيك العادي

كذا تقريبا

ثم اضيفي ملعقة الباكنج بودر واخلطي باتجاه واحد


ادهني القالب بزيت ورشيه بدقيق ،، ثم صبي الخليط فيه



*******وتكونين مشغله الفرن من اول

دخلي الخليط الفرن الحار على درجة180
وسكري الفرن
وبعد خمس دقايق غيري درجة الفرن ل160

واتركيه مدة 25 دقيقه تقريبا
الى ان ينضج
وحمريه تحمير خفيف


وبالصحه والعافيه عليكم