كيكة الزبادي بالتوفي اللذييييييذه

السلم عليكم ورحمة الله وبركاته
هالكيكه لذيذه وسريعه وتنفع تصلحيها للبيت او اذا عندك زياره انا بصراحه دايم اصلحها لعيالي ودايم خالتي ام زوجي تطلبها مني لانها تظل بالثلاجه 4 ايام او اكثر حسب تاريخ علبة الزبادي ومايتغير طعمها بالمره المهم سامحوني طولت عليكم نبدا بسم الله
المقادير
واحد وثلاثة ارباع كوب طحين
اكوب سكر
ثلثين كوب زيت
علبة زبادي كامل الدسم
3بيضات
1ملعقة كبيره بكينج باودر
1ملعقة صغيره فانيليا
نصف كوب شرايح لوز اوفستق
مقادير صلصة التوفي
نصف كوب سكر
اعلبة قشطه بوك اواي نوع
ربع باكيت زبده
الطريقه
يخفق البيض +الفانيليا كويس بعدين ضيفي الزيت والسكر واخلطي كويس ع نفس السرعه بعدين اخر شيء ضيفي الزبادي واخلطي كويس اطفي عجان الكيك هالحين
ضيفي الطحين والبكينج باودر واخلطي ع سرعه خفيفه نص دقيقه كذا بعدين زيدي السرعه واخلطي دقيقه وحده بس لاتكثري
صبيها في صينيه صغيره مدهونه بالزيت ودخليها في فرن مضبوط ع 350 نصف ساعه
طلعيها بعد ماتتاكدي من نضوجها وخليها تبرد
صلحي التوفي الحين اخلطي المقادير كلها مع بعض وقلبي ع نار هاديه لحد مايصير اللون ذهبي وتغلي اتركيها خمس دقايق بعدين طلعي الكيكه من الصينيه وصبي عليها التوفي


انا صلحتها وانا مستعجله حطيت فستق مبشور ع نصها لان اولادي يحبوها بدون مكسرات

والف عافيه اتمنى تجربوها وتعلموني برايكم فيها