ماشاء الله لاقوة الا بالله
هذي الكيكه ياحلوات سويتها في اخر يوم من صيام الست من شوال ...
وكمان كانت احتفال لولدي لانه راح المدرسه ومابكي >> اولى ابتدائي
ومقاديرها سهله جدا ....وممكن تسوي أي كيكه انتي تحبيها ...انا اخترت كيكة الزبادي
ومقاديرها :حبتين بيض
كوب سكر
ربع كوب زيت
علبه زبادي (كوب معياري)
ربع كوب ماء
كوب ونص دقيق منخول مع ملعقه كبيره بيكنغ بودر
فانيليا
للتزيين : كريمة خفق
علبة باي فيلينق فراوله
انا سويت مقادير لكيكتين لاني سويت كيكه كبيره.....والكوب المعياري اللي استخدمته نفس حجم علبة الزبادي
الصغيره يعني اذا ماعندك الكوب المعياري استخدمي علبة الزبادي لقياس كل المقادير ..
.نحط المقادير في خلاط الكاس بالترتيب
اول شي البيض وبعد شوي لما يرتفع البيض نحطالسكر وبعد شوي الزيت وبعدين الزبادي والماء وبعد مانخلطهم
كويس نحطهم في الزبديه مع الدقيق المنخول والبيكنغ بودر ونخلطهم بخلاط الكيك
اذا سويتي مقدارين زيي صبيها في صينيتين بنفس الحجم ودخليها الفرن الين تستوي ومن الافضل انك تحطيها في
حمام مائي عشان تضل طريه ومايتغير لونها كثير من تحت
بعد ماتستوي نتركها الين تبرد تماما وبعدين نقسم كل كيكه الى قسمين بالعرض عشان يصير عندنا اربع شرائح
نخفق الكريمه ونضيف لها سكر بودره حسب الرغبه ونستمر في الخفق الين ترتفع وتاخذ قوام الكريمه
ندهن اول طبقه بالكريمه ونحط عليها طبقه من الفراوله المحفوظه ونغطيها بطبقة كيك وندهنها بالكريمه وهكذا الين
نحط اخر طبقه كيك وبعدين نغلفها كلها بالكريمه
بعد مانغلفها تماما ...نحط باقي الكريمه في قمع ونزين الكيكه بالطريقه اللي نبغاها
وبعدين تزينيها بباقي الفراوله ...او خلي اولادك يزينوها ....انا واحد منهم حط شوي من الكريمه والثاني حط الفراوله
عشان كذا شكلها ملخبط شوي>> شغل بزران
وهنا الله يسلمكم صورتها لكم من الهيلوكبتر