الكيكه هذي من وصفات اختي الغاليه ريميه رشحتها لي وسويتها واعجبتني
وحبيت انقلها لاخواتي لانها بالفعل تستحق التجربه
وهذي هي طريقة كيكة السينبون للغاليه ريميه
كاس تمر منزوع الفصم
بالخلاط مع كاس ماء
بيضتين
نص كاس زيت
ثلاث اربع كاس سكر
وذرة فانيلا
3 ملاعق حليب ناشف
وملعقتين كبار مليانه قرفه
بالخلاط
بعدين نضيفهم على كاس دقيق ابيض منخول وملعقه كبيره بكنج بودر
ويزين بعين الجمل او بندق مجروش او فليك
صبي الخليط بصينيه اللي تنفك اكبر مقاس المدوره بعد ماتدهنينها
ودخليها للفرن مدة نص ساعه
بعد ماتطلع وهي حاره ابدعي عليها بالهيرشي السايل
وبعد ماتبرد سقيها بحليب نستله (بس اهم شي ان النستله يكون برودة جو مو من الثلاجه وان الكيكه تكون بااااااااااارده تماما عشان ماتهبط )
حطي على وجهها بندق مجروش او عين الجمل او بسكويت مجروش وفليك
بعدين قطعيها على شكل مثلثات
او مثل ماقطعتها هنا
جربوها طعمها مثل السينبون مررررره لذيذه وسريعه
