خواتي حبيباتي
هذي الطريقه و المقادير مع بعض:
تجيبين كيكة بيتي كروكر بالفانيليا
لازم بالفانيليا وتخبزينها عادي
زي ماهو مكتوب بالكرتونه حقها
بعد ما تطلع من الفرن خليها تبرد بالفريزر
طلعيها بعد ماتبرد واقلبييها
خلي الي فوق تحت والي تحت فوق
حطيها على جنب
اخفقي بخفاق الكريمه
ظرفين دريم ويب
وقشطه و6 حبات كيري
ولما تصير الكريمه حليوه مخفوقه زين
وقوامها حلو ادهنيها على الكيكه عادي زي القاتوه
بعدين نيجي للشمس((خخخ صدقت))
تجيبين علبة سفن اب او ميرندا اصفر
من ذيك ابو ريال ونص
انا سويت ميرندا
تصبيها بقدر صغنون وتصبي عليها ظرف
كريم كراميل ولما يثقل
طفي النار وخليه يبرد شوي طبعا برا الثلاجه
بعدين وزعيه على الكريمه الي ع الكيكه
شكل خطووووط وزينيه بأي زينه تحبين انا سويت سكر ملون
واهم اهم شي تخلينها تبررررررررررررررد
بالفريزر طعم الكراميل وهو بااااااااارد
يجنن وهو الي معطيها الميزه
وسلااااااااامتكم
وهذي الصور
ملاحظه:اكيد ملاحظين انو مو مقطعه زين
على فكره انا اسووي احلا انواع الحلا بس...
سبحان الله مااااأعرف اقطع الحلا زي العالم والناس
مدري ليس
اقطعها كنه طفل عمره خمس سنين يقطع مع امه يساعدها خخخخ
حتى زوجي يقول لي انتي حلاك يجنن
بس شكله خرااااااااب
يرجع يقول بس انا اهم شي عندي الطعم>>يجبر خاطري خخخ
دعواتكم لي بالشفاء وقضاء الديون الله يبارك فيكم
اختكم ام اسامه