كيكة الشوفان حلى رهيب

صباح الخير حبيباتي... اليوم جايبه لكم طريقة حلى سهل ورهيب خذيت الطريقة من رفيجتي عاد تقول انها ماخذتها من منتدى ناسيه اسمه... المهم انا جلت بجربها واذا طلعت حلوه بنزل الطريقه بمنتدانا هذا العجيب اللي كل ما بغيت اكله حصلتها فيه... المهم يا طباخات اذا كانت الكيكة جديدة عليكم بالعافية واذا كانت مكرره اسمحولي وهم عليكم بالعافية...
الطبقه الاولى:
2 جلاص شوفان مطحون (انت طحنيه)
4بيضات
نص جلاص زيت
ثلاث ارباع جلاص سكر
ملعقه طعام بيكنج باودر

تخلط جميع المقادير السابقه في الخلاط وتدخل الفرن لمدة ربع ساعة بس على درجة حرارة متوسطة مو اكثر من 160 درجة.

الطبقة الثانيه:
3 فنجان حليب بودره
3 فنجان سكر مطحون
6حبات جبن كيري
ربع فنجان ماء

تخلط في الخلاط وتسكب فوق الطبقة الاولى.

الطبقة الثالثة للتزين
شوكولا سايلة ( اي نوع انت تحبيه)
كريم كراميل ( كميه بسيطة فنجان كفاية)

وبالهنا والعافية على قلوبكم طبق سهل وما ياخذ وقت ممكن يتحضر بنص ساعه سويته من كم يوم فطرنا عند اهل ريلي وايد عجبهم....... الادااااااااااخو بعد ماكلوه ( داخو من حلاته)