يااخواتي حبيت احط لكم هذا الطريقه
علشان متواجده فى كل بيت
والشي الثاني كم مره بنات قالوا لى حتي بتي كروكر مايضبط معنا
من جذي حبيت اعطيكم طريقتي المعتمده
وياريت الكل يطبقها بحذافيرها
نشعل الفرن علشان يكون حار
تقريبا 350 درجه
انا هنا استخدمت بتي كروكر مع الكريمه يكون جاهز بالشوكلاته او اي نوع تحبين بس معاه الكريمه
ناخذ 3 بيضات
ثلث كاس زيت + كاس ماي فقط
يخلط مع بعض بالخلاص الكهربائي
ثم يضاف الخليط
شفتوا كيف صار شكله
من اسراري اضع ملعقه كبيره طحين عادي
اذا شفت الخليط صار لين
واذا الخليط متماسك مافي داعي اتحطين طحين
نحضر الصينيه ونرشها ببخاخ الزيت
والي ماعندها اتحط زيت عدل
بس انا افضل الرشاش
وهذا شكله
نضعه بالفرن بس شفتوا لا تحت ولا فوق
بالوسط حطيتها وتخلينها بالفرن حوالي 30 دقيقه او 35 على حسب حرارة الفرن
شوفوا هذا بعد ماستوي الكيك
اذا حبيتي تختبرين اتشوفين الكيكة استوت
اخذي عود وغرزيها بوسط الكيكه اذا ماظهر فيها ولا شي معناه الكيكه مستويه خلاص .. واذا شفتي عجينة متلاصقه على العود معناه ماستوي حطيه مره ثانيه خلى بعد يستوي
انا بعد ماظهر الكيكه من الفرن على طول اغطيها بالسفره
علشان ماتصير يابسه على
بعد 5 دقايق او عشره اقلب الصينيه بصحن التقديم
شفتوا كيف شكلها صار
انا اهني غطيتها مره ثانيه علشان تبرد كفايه
ومن اسراري حطيها بالثلاجه علشان يتماسك اكثر ولا راح يتفرفت عليج الكيك