هلا وغلا حبايبي
امس سويت هذي الكيكه وكنت بنزلها لكم بنفس الوقت بس اه من مركز التحميل
والحمدلله الله سهلها اليوم
تسوين كيكة بيتي كروكر شوكولاته بالحليب او كيكه عاديه وتحطين معاها كاكاو بودره وتدخلينها بالفرن لما تستوي وبعد ماتطلعينها من الفرن تحطين عليها الصوص الفضيع
مقادير الصوص:
5 ملاعق كبيره كاكاو بودره
4 فناجين سكر
1 ملعقه كبيره حليب بودره
3 ملعقه كبيره كوفي مايت
4 ملاعق كبيره زبده
1 ملعقه كبيره عسل
فنجانين ونص مويه
1 ملعقه كبيره نسكافيه
تحطينها على النار لما يذوب السكر ويتجانسون وتسخن وتغلي
وهذا شكلها بعد ماشلتها من النار وحطيتها بالزبديه ودخلتها الفريزر ربع ساعه على بال ماتبرد الكيكه
طلعي الكيكه من الصينيه وحطيها على شبك و غلفيها بالصوص والباقي اللي ينزل تحت خذيه بالملعقه وحطيه فوق الكيكه وخليها 5 دقايق
بعد كذا حطي بالخلاط 5 جبن مثلثات ونص علبة حليب مركز
بعد ماتخلطينها بتثقل صبي فوقها شوي مويه وحركيها وزيني فيها الكيكه
وهنا يم يمييييي شوفوا كيف سايله
وهنا كيف مختلط الصوص الأبيض مع صوص الشوكولاته
شوفوا كيف من جوا
وهذي لأول وحده ترد وتعجبها كيكتي
وصحه وعافيه على قلوبكم حبيباتي
ولاتنسوني من الدعاء
حسبنا الله سيؤتينا الله من فضله انا الى الله راغبون