شلونكن ياغاليات؟؟
اولا اشكر الأخوات اللي أرسلوا لي على الخاص يسألون عني
مشكورات وجزاكن الله كل خير..
واللي طلبوا مني حلويات جديده..
اليوم قلت انزل لكم طريقة كيكه..انا سويتها اليوم يعني
عشان اعوض شوي عن غيابي..
الطريقه:
كيكة شوكولاته غامقه بيتي كروكر
2 ملعقة اكل دقيق
ربع كاس بندق مجروش
نخلط الدقيق مع خليط الكيكه وتعمل الكيكه بالطريقه الموضحه على الكرتون..
وبعد مانخلطها نضيف لها البندق المجروش ونحرك شوي بالملعقه
ونخبزه في الصينيه المثقوبه من المنتصف
طبعا تكون الصينيه مدهونه بزيت ومرشوشه بالدقيق..أثناء ماتكون الكيكه في الفرن
نجهز الصوص..
الصوص:
نصف كاس سكر مطحون ( أنا أفضل السكر البني)
نصف كاس حليب بودره
ربع كاس كاكاو مر
نص كاس ماء
نص ملعقه صغيره نسكافيه
تخلط على النار وتترك لتغلي تقريبا دقيقه او دقيقتين..وترفع من النار
تترك لتبرد قليلاَ ثم يخلط معاها..قليل من روح الفانيلا وعلبة قشطه..
وتحرك وغطيها وتترك لتبرد..
اذا نضجت الكيكه نتركها تبرد..بعد ماتبرد نقطعها شرائح..ونصفها في صحن التقديم
نضع شريحة كيك ونصب فوقها قليل من الصوص..ثم نضع شريحه اخرى
وشوي صوص وهكذا والباقي من الصوص نصبه فوق الكيك كله..
اخر شي..كسري شوي كورنفلكس بيدك وانثريه فوق الكيك..افضل نوع
كورنفلكس فروستيز اللي يكون مغطى بالسكر اللي علبته زرقا ومرسوم عليها نمر
انا بصراحه اليوم ماكان عندي كورنفلكس مالقيت الا كورنفلكس نخاله..
طبعا ماحطيته..
لقيت بسكوت دايجستف اخذت حبه بسكوت وكسرتها بيدي ونثرتها فوق الكيك
وقدميه بالهناء والعااااااااااااافيه..
تفضلوا تقههوا..معليش الصوره شوي غامقه..لأن بطاريه الكاميرا خلصت..
ياكثر كلاااااااااااااامي..بس هي سهله وبسيطه..يعني اذا ماكان لك خلق تسوين حلى
تنفعك بوقت الأزمات..
بالهناااااااااء والعافيه..