من زمااااااااان ما نزلت موضوع وحشتوني والمنتدي وحشني جدا جدا. واليوم قلت انزل لكم اخر كيكه سويتها بعيد ميلاد زوجي من يومين قلت افاجئه ونحتفل انا وهو وقربت ونزلت الموضوع والصفحه انقفلت ورجعت من جديد انزل الموضوع
اتنزرفززززززززت
المهم ما اطول عليكم بنزللكم صورة الكتاب وتطبيقي ومنتظره ردوردكم وتقييكم ما يحرمني منكم يارب
صورة الكتاب
تطبيقي
بنزللكم مقادير الحشوة الاول لانها لازم اول شي نبدا بيها ونخليها بالثلاجه مدة ساعتين
مقادير الحشوة
2 ونص ديسيليتر كريمه
225 غرام شوكولاطة بيضا او اي لون ثاني بس المهم تكون خاصه لطبخ الكيك
المقياس موجود بايكيا
نسخن الكريمه ونضع قطع الشوكولاطه بماكنة المطبخ ونشغل المكينه
بعدين نضيف الكريمه اللي سخناها ونخلط لمدة 15 ثانيه لحد ما تذوب الشوكولاطه وندخلها الثلاجه ونتركها مدة ساعتين
نحضر القالب قياس 20 او 21 سنتيمتر يمسح بالزبده والطحين ونشغل الفرن على درجة حراره 180
مقادير الكيكه الاسفنجيه بالكاكاو
225 غرام زبده بحرارة المطبخ تكون لينه
225 عرام سكر ناعم مو بودره
4 بيضات
175 غرام طحين
ملعقة شاي بيكينج باودر ونفسها فانيليا
55 غرام كاكاو باودر الخاص بالكيك
نخلط الزبده والسكر لحد ما نحصل على خليط ابيض
نضيف البيض نخلطهم عدل
نضيف الطحين والكاكاو والفانيليا والبيكنج باودر ونخلطهم مع بعض
لا احد يرد يتبع
تدخل الفرن ونتركها لمدة من 45 الى 50 دقيقه وتكون في اسفل الفرن يعني مو كلش تحت شوي بين الوسط والتحت
ونطلعها ونخليها تبرد ونقلبها ونقطعها الى 3 قطع
وبعد ما قطعنا الطبقه الاولى نحشيها بالخليط اللي خليناه بالثلاجه نطلعه ونخلطه شوي ونصب نصه بالطبقه الاولى
ونكرر نفس العمليه بالطبقه الثانيه ونغطيها بالطبقه الثالثه
نجي للحشوة الخارجيه وهي عباره عن
350 غرام شوكولاطه خاصه بالكيك مقطعتها مربعات
115 غرام زبده
ثلاث ارباع ديسيلتر كريمه
نسيح الشوكولاطه على النار مو بحمام بخاري خليها وحركي بسرعه لحد ما تذوب
نشيلها من النار ونضيف الزبده والكريمه ونخلطها عدل بمضرب شبكي يدوي
خلي تحت الحله طاسة ماي بارد وانتي تخلطين عشان يبرد وحاولي ما يجي ماي بالخليط عشان ما تخرب مدة دقيقه بس
ونحصل على هالقوام
نغطي الكيكه والاطراف ونزينها بقطع الشوكولاطه البيضة والسمرا بعد ما برشناهم على الوجه وندخلها الثلاجه لحد ما تتماسك