كيكة الشيفون

مرحبا هذي كيكة فرنسيه واسمها شيفون كيك ولها تسمية ثانيه انجل كيك
المهم عجبتني لانها بيضه وهشه جربتها مره وهذي المره الثانيه بس غيرت النكهه
هنا الوصفه الاصليه http://www.beyondwonderful.com/recipes/desserts/cakes/angle_food.htm

عيبها تاخذ بياض بيض بس بدون الصفار بس تقولون زبده انا اشهد انها خاليه من الكوليسترول
بدال نكهة اللوز حطيت برش ليمونه كبيره وملعقة نكهة الليمون وفانيلا
والطريقه موضحه بالصور والمقاديبر بالوصف الاصليه وهي مضبوطه شرط الخفق القوي واضافة الطحين بخفه وتقليبها بحذر لازم لما تحطينها بقالب يكون كبير لانها ماشاء الله تنفش

بالعربي
المقادير
كوب طحين
كوب ونص سكر بودره
12 بياض بيض كبير
رشة ملح
1 م ص كريم التارتار وصورته لكم
2 م ص فانيلا سايل
1 م ص نكهة لوز جربتها اول مره ما حبيتها بدلتها بقشر الليمون ونتكهته
الطريقه
نخلي الطحين مع نص كوب من السكر
اخفقي البياض على سرعه قويه الى ان يبدي ينفش اضيفي له الملح كوب السكر بالتدريج ورشي كريم التارتار والفانيلا والنكهه وخفقي الى ان يملي الطاسه بالتدريج وبملعقه اضيفي الطحين مع السكر المنخول وقلبي بخفه وبحذر صبيها بقالب واخبزيها ساعه على حراره 180 او فرن وسط بعد نص ساعه افتحي عليها ولفيها يعني غيري اتجاهها واحكمي اشكثر يبيلها يمكن ربع حسب لونها
وبس تخلص اقلبيها تبرد بصحنها بدون حكها او فصلها بالسكين لازم تنقلب وتتبرد بالطريقه الموضحه عشان لا تهبط وخليها ساعه الا ربع بعدها بسكينه عريضه فصليها وبالعافيه:)