احنا دايما بناكل الاسود بالطحينة او بناكله لوحده فحبيت اغير واعمل بيه كيكة نظرا لفوايده الكتير زي انه مليان حديد مثلا وكمان الاطفال هيحبوه اكتر لما يبقى في كيكة
المكونات:
2 كوب دقيق
2 ملعقة صغيرة بيكنج بودر
2 بيضة
فانيليا
نصف كوب حليب
كوب الا ربع زبدة سايحة
نصف كوب سكر
نصف كوب عسل اسود
وللتزيين:
جوز هند
عسل اسود
(او حسب الرغبة)
الطريقة:
فى اناء هنحط البيض والفانيليا والسكر
ونضربهم بمضرب البيض ونضيفلهم الحليب والزبدة السايحة
ونخفقهم ونضيفلهم الدقيق والبيكنج بودر
ونخفقهم واخر حاجة نضيفلهم العسل الاسود
ونقلبه مع بقية الخليط لغاية مايختفى وتمتزج المكونات مع بعض
وحطيت الخليط فى صينية مدهونة
ودخلته فرن منخفض الحرارة لغاية ماستوت الكيكة ولما بردت زينتها بالعسل الاسود وجوز الهند وده شكلها النهائي
جربوها وان شاء الله هتعجبكم
وبالهنا والشفا