ماشاء الله لاقوة الا بالله
كل عام وانتم بخير وعافيه .....ادري خلص العيد ...بس انا اعتبر شوال كله عيد
وبما ان العيد هذي السنه حر ورطوبه ...قررت ابرد على عيالي بكبكة ايس كريم .....والحمد لله طلعت رائعه ولذيذه
وفخمه
هذي الكيكه سويتها ليلة 29 رمضان..عشان تكون جاهزه يوم العيد لانها لازم تدخل الفريزر ليله كامله
المقادير :
كيكة شوكولاته أي نوع تحبيه ( انا سويت كيكة هند الرهيبه) ويكون شكل الكيكه مستطيل
ايسكريم شوكولاته وفانيليا او حسب الرغبه
ملعقه جيلاتين مذوبه في نص كوب ماء
شوكولاتة طبخ غامقه
شوكولاتة طبخ بيضا
كوب كريمة خفق
بعد ماتبرد الكيكه نقسمها الى قسمين ونفرغها من جوه ..ونترك الكيك اللي طلعناه من الكيكه على جنب لاننا
بنحتاجه بعدين
نذوب شوكولاته غامقه في حمام مائي ونتركها الين تبرد
نخفق كوب الكريمه السائله بخلاط الكيك ونضيفله نص كوب سكر ونخفقه الين يتضاعف حجمه
نضيف له الجيلاتين المذوب في الماء ونستمر في الخلط ونضيف الشوكولاته المذوبه وبعدين الايسكريم ...(لازم تكون
الشوكولاته والجيلاتين في درجة حرارة الغرفه
نحط الخليط وسط الكيك المجوف وندخله بهذا الشكل للفريزر الين يجمد
لما يجمد الايسكريم بعد كم ساعه نحط القطعتين فوق بعض
لو استخدمتي كيكة هند بيكون فيه صوص تغليف من الخلطه الاساسيه نستخدمه في تغليف هذي الكيكه ...ولو
سويتي أي كيكه ثانيه حطي على النار: 2ملعقه كاكاو بودره+1ملعقه زبده+علبه قشطه+فنجان سكر
وقلبيه على النار الين يثقل شوي ويغلي... ولما يبرد غلفي فيه الكيكه ورجعيها للفريزر
بعد ساعه خرجيها ...بتلاحظي انه لون الكيكه من برا صار غامق بهذا الشكل
جيبي الكيك اللي خرجتيه من جوة الكيكه وفتتيه ولصقيه على الكيكه كلها من برا وبعدين رجعيها الفريزر الى وقت التقديم
قبل التقديم ذوبي شوي شوكولاته بيضا في حمام مائي وسوي بها خطوط فوق الكيكه وقدميها وعليكم بالف صحه وعافيه
لااااااااااااااااااااااااااااااتردون بالطيب
وهذا شكلها من الداخل ماشاء الله لاقوة الا بالله
وكعادتي لازم اصور شريحه منسدحه
وعلى فكره يابنات القطعتين اللي فوق مو لاول رد....بل لصاحبات الرد الرابع والسابع من باب التغيير ...خخخخخخخ
يارب تكون عجبتكم زي ماعجبتنا :) وترى ميزة هذي الكيكه انها مرنه
يعني يمديكي تبدلي فيها على كيفك واللي ماتبغيه تلغيه وتزيدي عليها اللي تبغيه ....
وانا في انتظار ردودكم واستفساراتكم ....بس بسرعه قبل تسيح الكيكه :angry: