ودي ارد ولو جزء بسيط للمنتدى الغالي عالم حواء ولجميع العضوات لأني
استفدت وايد وايد من هالمنتدى...... بصراحة انا ما احب اشارك فالمنتديات
ولكن لما شفتكن طيبات وحبوبات وتساعدن بعضكن البعض......وتبذلن كل جهدكن ....
تمنيت اني اكون جزء من هالنتدى..... واتمنى ان الكيكة تعجبكن....
بسم الله ..... نبدأ
كيكة الفستق
المقادير:
2 كوب طحين
نصف كوب حليب
نصف كوب زيت
كوب ونصف سكر
3 بيضات
م/ ش فانيليا
م / ط بيكينج باودر
للزينة:
2 كيس كريمة بيكنج باودر (تكون الكريمة بودرة)
2 كوب فستق
نصف كوب فستق مبشور
كوب ماء بارد (بدل الحليب حتى نخلط الكريمة)
الطريقة:
تخلطين البيض مع الفانيليا والسكر وبعد الخلط جيدا نضع الزيت
وبعدين الحليب، ونخلط الطحين مع البيكنج باودر وبعدين نضع الطحين
في صحن عميق ( طاسة) :25: ونصب فوق الطحين خليط البيض ونحركه بالملعقه
انتبهوا لازم نحط الخليط فوق الطحين مو العكس....لاتسألوني لأني صراحة مادري
بس اللي خبرتني الوصفة قالت لازم جيه..... وبعدين نضعها في قالب مدهون
ونضعها فالفرن.....:cook:
في هذه الأثناء نصنع الكريمة.... أول شئ نضع الكريمة البودرة ونسكب فوقها الماء البارد
ونخلطها لين تتكون عندنا كريمة وبعد ذلك نضع فوقها الفستق المطحون..... ونحطها فالثلاجة
لين ما تبرد الكيكة .... وبعدين نقسم الكيكة إلى ثلاثة أقسام متساوية نقصها أفقي مو عمودي
وبعدين نوزع الكريمة على الطبقة الاولى من الكريمة ونحط فوقها الطبقة الثانية...وبعدين نضع
فوق الطبقة الثانية كريمة...... وبعدين نحط فوقها الطبقة الاخيرة وندهن الكيكة بالكريمة....
وبعدين نرش الفستق المبشور:32::32:
وبالهناء والعافية
تراها لذيذة..... أنا اموووووت فيها:o
بس لاتكثرون ترى قطعة وحدة من الكيكة وبتشبعون:30:
لأنها دسمة شوي عشان الفستق اللي فيها....تنفع للي ياكلون وايد بشبعون من أول قطعة:44:
وهاذي الصور
جربوها تراها لذيذة جدا جدا جدا:32:
تسلم الأيادي وايد حلوة