اليوم جايبة لكم كيكة ذقتها امس في بيت اخو زوجي
وطبعا هي من ايدين راعية البيت الله يعطيها الصحة والعافية
عاد كلت منها نتفة وقلت الا اصورها وانزلها لكم
المقادير
كيكة فانيليا (سادة)
قشطة طازجة (اللي تنباع في علب بلاستيك)
عسل
اناناس للزينه
الطريقة
سوي كيكتج العادية اللي تحبينها
ولما تبرد غطيها بالقشطة وشخطي عليها بالعسل من فوق
واخر شي زينيها بالاناناس او اللي تحبين
غطيها وحطيها في الثلاجة لحين التقديم
وهذي صورة المزيونة
مع اني ماشية على نظام غذائي لكن امس ما قدرت اقاوم اكلها
فنانة ما شاء الله عليها ولها نفس في الطباخ
وسلامي لكم يا حلوات وهالله هالله في الردود الحلوة
