شلونكم يا خواتي الحلوين
اليوم بنزل كيكة القصر سويتها من فترة لنجاح هيال العايله و في نفس الوقت اهدي الكيكه لأختي المبدعه لووتس بمناسبة نجاحها و عقبال التخرج ان شاء الله
المقادير :
كيكتين على شكل مربع
4 حبات كيكه سويس رول
كريمه (دريم ويب)
أي فاكهه مفضله استخدمت مانغا معلبه ماحصلت فرش
عجينه مرزبان + لون وردي
بسكويت آيس كريم
الطريقه:
اول شي سويت الكيكتين في قالب مربع و خليتهم في حرارة الغرفه عشان بيردون و بعدين قطعت الاول بالنص و حطيتها في صحن و اطرافها ورق زبده عشان شكل الانهائي ما يخترب بالكريمه .
و شربت الكيكه بماء المانغا ألي كان في العلبه و بعدين حطيت كريمه و بعدين شرائح مانغا و حطيت طبقه الثانيه من الكيك و غطيت الكيكه بالكريمه .
و حطيت مانغا مره ثانيه على الكيكه في الوسط
و حطيت فوق المانغا كيكه الثانيه قصيتها على شكل مربع بس اصغر من الكيكه الاولى
لو سمحتو لا تردون عشان مايتقطع الموضوع
و بعد شربتها بماء المانغا و حطيت كريمه و شرائح مانغا و استخدمت الاطراف الزايده من الكيكه الثانيه لأني قصيتها اصغر
و غطيتها الكريمه
و حطيت على الزوايه كيكه سويس رول يعني ابراج القصر و غطيتهم بالكريمه
و بعدين حطيت اقماع بسكويت الآيس كريم على الكيك السويس رول
و زينت الكيكه بعجينه مرزبان بالمارشميلو و لونته بلون وردي و قطعتهم بقطاعه التزين
و هني بعد ما قطعتها
هاي الرابط فيه طريقة عجينة المرزبان بالمارشميلو
http://forum.hawaaworld.com/showthread.php?t=2307644
و اتمنى تعجبكم الكيكه
و دعولي الله يكتب لي الخير في جامعة العذاب قصدي جامعة البحرين:44: