فيه وحده في المنتدى ماني ذاكره اسمها مسويه كيكه وفوقها صوص عليه كابتشينو المهم الفكره الهمتني ان احط الكابتشينو مع خليط الكيك بدل الحليب والفكره طلعت فتاكهه والله كل من ذاقها انهبل عليها طعمها فعلا يهوس ولذيذ
المهم بقولكم المقدير وطبقوها بحذافيرها
1.5 كوب دقيق
ملعقتين زبادي
ثلثين الكاس سكر
نصف اصبع زبده سايح وحطيه بكاس وكمليه الى النصف زيت المهم يكون كله نصف الكاس طبعا انا احب اخلط الاثنين لاني مااحب الزبده تكون كثيره لغرض صحي ووجودها حلو لانها تعطي الكيكه طراوه وطعم لذيذ
3 بيضات
فانيليا سايله او بودره
ملعقه كبيره خميره بيكنج بودر
ظرف من الكابتشينو بالفانيلا او العادي من نستله ونخلطه بكاس مع ماء بس مانملي الكاس مره يعني نخلي 2 سم
حبه جالكسي ساده
نجي للطريقه
الطريقه عادي مثل اي كيك اول شئ طبعا نجهز جميع المقادير عندنا ونشغل الفرن وندهن القالب
بعدين نخلط البيض بالخلاط الكهربائي ونحط الفانيليا وبعدين نحط السكر ونخلط شوي ونحط بعدها الزبادي والزيت
ونخلط بعدين نحط الدقيق والخميره على دفعتين ونحط نصف الكابتشينو المخلوط مع الماء ونخلط طبعا بالخلاط
الكهربائي بس بسرعه اقل وبعدها الكميه الباقيه والعجينه تكون ثقيله شوي الخطوه الاخير نجيب الجالكسي ونقطعه
مربعات صغيره ونحطه بالفريز لحد مايجمد شوي ونطلعها وننثره على وجه العجينه قبل لاندخلها الفرن ونحاول ندخله
شوي مو كثير عشان مايستقر بقاع الكيكه شوفوا الصوره توضح لكم
شوفوا هنا بعد مادخلته بالعجين
وهنا بعد ماطلعتها من الفرن وعلى فكره العجينه يبيلها تكون على نار هاديه عشان تنضج واول ربع ساعه لاتفتحون
عليها عشان تظبط وهذي قاعده ثابته لجميع انواع الكيك وبعد ماتحمر من الاسفل شغلي عليها من فوق واذا شفتي
انها حمرت وباقي مانضجت من جوا عادي غطي عليها باي غطا وخليها لين تنضج وهذي صورتها وانا حطيت فوقها
صوص التوفي وحطيت معاه شوي نسكافيه وشوكلاته بودره ورشيت فوقه شوكلاته بودره
يالله جربوها وادعولي لاني متأكده انها راح تعجبكم وانا والله مانزلتها الا لان طعمها مميز
الله يعطيك العافيه
سلمت الايادي
طبق مميز
اول وحده ردت يعني اول وحده تاكل ههههههههههههههه
- - - - - - - -
::. عــــــ(*_^) ـــــيون .::