مكونات الكيكة:
2 وربع كوب دقيق
2 ملعقة صغيرة بيكنج بودر
4 بيضات كبار
فانيليا
كوب زبدة سايحة
كوب حليب
كوب سكر
مكونات صوص الكرامل:
كوب سكر بنى
كوب فريش كريم
4 ملعقة كبيرة زبدة طرية
الطريقة:
فى اناء هنحط البيض والسكر والفانيليا
ونضربهم بمضرب البيض ونضيفلهم الزبدة السايحة
ونضربهم ونضيفلهم الحليب
ونضربهم ونضيفلهم الدقيق والبيكنج بودر
ونضربهم لغاية ماتمتزج المكونات
ونحط الخليط فى صينية مقاس 24 مدهونة
دخلتها فرن حرارته هادية وطلعتها لما استوت وطبعا كل فرن غير التانى
قلبتها على طبق وسبتها تبرد وبدأت اعمل صوص الكرامل
فى كسرولة هنحط السكر والزبدة والفريش كريم
ونقلبهم على نار هادية
وهتمتزج المكونات مع بعض
ونسيبه يغلى على النار
وهنطفى النار بعد مايغلى وبكده صوص الكرامل بقى جاهز عندنا
وطبعا ممكن نستبدل السكر البنى بسكر ابيض بس مش هنعمل الصوص وقتها بنفس الطريقة دى
هنسيب الصوص يبرد شوية وهنحط الكيكة على شبكة الحلويات بعد ماسبناها تبرد وهنغرقها بالصوص
زينتها بخطوط من الشوكولاته وده شكلها النهائى
وبالهنا والشفا
شكلها جميل