اليوم بنزل لكم طريقة من تجربتي لحلا الشمواه < ماجستيك الشوكولاته > أتمنى يعجبكم لأنه سهل ومميز
وهذي المقادير ::
أ* كيكة الشوكولاته :: الطبقة الأولى ::
3 بيضات
كاس حليب سائل
ثلث كاس زيت
ملعقة كبيرة بيكنج بودر
ملعقة صغيرة فانيلا
كاسين دقيق
كاس سكر
ملعقتين كاكاو بودرة
ب* الكريمة :: الطبقة الثانية ::
علبة بسكويت شاي
ظرفين كريم كراميل
علبة قشطة
ونصف ملعقه كبيرة نسكافيه مع نصف ملعقه كبيرة كاكاو || اللي ما يحب طعم النسكافيه يقدر يحط ملعقة كامله كاكاو
كاس ونصف ماي
4 ملاعق حليب بودرة
نسيت أصور البسكويت والماي والحليب البودرة بس هذي صورة
جـ* الزينه :: الطبقة الثالثة ::
كاكاو بودرة
شوكولاته كرات مثلا مالتيزر
وهيرشي اذا تبين
الأدوات ::
مقص ,, ورقة مطبوع عليها كلمة أو جملة مثلا اسمك ,, صينية بايركس متسعه
وكاسات وملاعق وصفرية ( قدر ) و مصفاة .......
الطريقة ::
أول شي قبل لا نبدي طبخ نجيب الورقة اللي طبعنا عليها الاسم مع المقص
نقص الاسم أو الجملة بدقة
والحين نبدأ بالطبخ وتجهيز الطبقة الأولى واللي هي الكيكة السوداء
نخفق البيض في زبدية معدنية أو زجاجية << الأفضل
وبعدين نضيف عليها السكر مع الفانيلا
وبعدين الزيت
وبعدين نضيف نصف كمية الحليب السائل يعني نصف كوب فقط
وبيقى في كاس نصف كمية الحليب
يتبع الرجاء عدم الرد حتى اكتمال الموضوع يتبقى جزءان
وبعدين نضيف الدقيق .. الكوبين كاملين ..
والحين نحط ملعقة البيكنج بودر في كاس الحليب السائل وهذي لقطة في قبل لا يفور من الكاس مباشرة
وهذي لما حطينا الحليب مع البيكنج بودر
وآخر شي نحط الكاكاو ونخلط
ونحط الخليط في صينية بايركس مرشوشة بالدقيق فقط
وبعدين نجهز مقادير الطبقة الثانية اللي هي الكريمة ,, نحط في الخلاط البسكويت مع القشطة والنسكافيه والكاكاو
وهذي صورة ثانية
وبعدين نحط الماي في قدر مع الكريم كراميل والحليب البودرة ونخلطهم ونخليهم لحد ما يغلوا
وبعدين نحط هذا الخليط .. خليط الكراميل .. على البسكويت اللي في الخلاط وهو ساخن
نسيت ما اصور لكم
وبعدين نختبر استواء الكيكة بواسطة عود الاسنان الخشبي
وتالي نحط الكريمة اللي بالخلاط على الكيكة السوداء وهم ساخنين
يتبع الرجاء عدم الرد حتى اكتمال الموضوع .. تبقى جزء