تفضلوا كيكة المارس مممممممم طيبة مع فنجان قهوة
مقادير الكيكة :
3 بيضات
فانيلا
بنضربهم بالخلاط لينفش البيض ويصير لونه فاتح على بياض تقريبا 4 دقايق
بعدين بنضيف نص كاسة زيت
وكاسة سكر
ومعلقتين او 3 زبادي
ونص كاسة حليب بنخلطهم بالخلاط مع بعض دقيقتين ليذوب السكر
بنضيف كاستين طحين و3 معالق كاكاو ومعلقة نسكافيه كبيرة
و3 معالق صغار بيكنغ باودر اخر شي بنضيفهم طبعا المقدار في البايركس الكبيرة
بس نطلع الكيكة من الفرن بنسقيها بنص كاسة مي عليها معلقة كبيرة نسكافيه ومعلقة سكر
طبقة التوفي :
على النار بتحطي السكر علي النار شوي وحركيه ليتكرمل ويتغير لونه بس لا تتأخري عليه ليغمق بصير طعمه مش طيب وانتي بتحركي بالمعلقة ضيفي نص كاسة حليب مركز وحركي بسرعة ليندمجوا بعدين ضيفي علبة القشطة وحركيهم ليندمجو مع بعض ويصيرو توفي طعمه طيب كتير
ووزعيها على وجه الكيكة
طبقة الشكولاتة :
بتحطي مقادير متساوية يعني مثلا كاسة شاي من السكر و(زبدة مع زيت )
و معلقتين او 3 كاكاو بودرة ورشة نسكافيه وعلبة قشطة وحركيهم على النار ليندمجو ويصيرو صوص مثل الصورة وغطي فيها الكيكة
وبالتوفي بنعمل خطوط على وجه الكيكة
وصحتين وعافية هالله هالله بالردود اللي تفتح النفس