كيفكم حبيباتي ان شاء الله بخييير
والله هالقسم له وحشة كبيرة لاني لي فترة مسنترة في قسم الحمل والامومة
اليوم حبيت انزل لكم طريقتي بكيكة الموز عندي بالبيت يحبوها مرررة
يلا نبداء بسم الله
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
3 بيض + فانيليا
ثلث كوب زيت
1 علبة لبن زبادي
1كاس سكر
واحد ونص كاس دقيق منخول
1ملعقة كبيرة بكنج بودر
ربع ملعقة صغيرة ملح
ومن 4 -5 حبة كبيرة موز مقطع لشرائح وسط
هذي مقادير الكيكة
طبعا بالاول انا اسوي خليط الكيكة هذي بالخلاط لانها شبهة سائلة
اول شي حطي البيض والزيت واللبن والفنيليا والسكر واخلطية حتى يصير لون الخليط فاتح شوي
وبعدين اضيفي الدقيق والملح والبكنج بودر والصور توضح
وبعدين تصبي الخليط في صينية مدهونة زبدة ومرشوشة دقيق
شايفين كيف الخليط شبه سائل
وبعدها رصي الموز المقطع شرائح على وجهة الكيك زي كذا
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
مدري فين راحت صور المقادير >>> المهم ماعلينا
3 او 4 ملاعق كبيرة عسل + 1 ملعقة كبيرة ماء ساخن + نص ملعقة صغيرة هيل مطحون ناعم
وتخلطينه سوا وتصبينه على وجهه الكيك فوق الموز
وهذي صورة خليط العسل
وتدخليه فرن ساخن من قبل حتى تنضج وتتحمر من الجهتين >>> ملاحظة
انا ما ولعت الشعلة من فوق عليها هي ما شاء الله تحمرت لوحدها من حرارة الفرن وهذي صورتها
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
الحين مقادير الصوص للتزيين
هي عبارة عن 3 قطع حبن كيري
1 ملعقة كبيرة زبدة
ربع كاس حليب سائل
1 كاس سكر مطحون بودرة
رشة فانيليا ورشة هيل مطحون بودرة
ملاحظة >>جميع مقادير الخلطة تكون بحرارة الغرفة
وهذي الصورة
لاحظوا كيف شبهة سائلة >> واذا تبغيها اثقل قللي حليب
بيعدين تقطعي الكيكة وتزينيها بالصوص وهذي النتيجة
تررررررام