كيكة الهيل والزعفران بالصور ..

السلام عليكم...

سويت هالكيكه من فترة طويله واليوم انا اعدل ملفاتي قلت احطها لكم...

هي كيكة ام عزيزان المعرووفه بس عدلت فيها شوي ..

مقادير الكيكه :

اربع بيضات + خل اشوي حق ريحة البيض

1 ونص كاس طحين

1 ونص كاس سكر ناعم

ثلث كاس زيت

ربع كاس حليب سائل

اشوي فانيلا + 1 م متوسطه بيكن باودر

شوي زعفران مذوب في ماي ورد..

ملعقه صغيرة هيل..

كاكاو مذوب ..


الطريقه :

نخلط البيض جيدا حتى يبيض لونه
ونضيف له الفانيلا والخل

ونضيف السكر ونخلط جيدا حتى يتجانس تماما

نضيف بعدها الزيت ونخلط

ونضيف بعدها الحليب السائل....وبعدين نحط الزعفران والهيل..

ونضيف بعدها الطحين والبيكن باودر ( نخلي السرعه ابطئ شي )


ونخلطها جيدا .... نقسم الخليط نصفين ...

نحط النصف الاول في القالب....اما النصف الثاني نحط فيه بودرة الكاكاو المذوبه...ونحركها شوي بحيث يطلع بشكل رخامي ...ونحطها في القالب على النصف الاول ...

ثم نضعها في قالب الفرن بعد دهنه ورشه بقليل من الطحين وخليها على درجة 160 درجه حتى تنضج

لمدة ساعه الا ربع

مقادير الصوص..

2 ملعقة حليب بودره
2 ملعقة سكر
2 ملعقة كاكاو بودره
1 ملعقة زيت ..
2 ملعقة ماء..

نخلطهم ونحركهم على النار لين يثخن...وعقب نصبها على الكيكه..





بعد ما طلعتها من الفرن حطيت عليها الصوص...





ان شاءالله تعجبكم:)