كيكة بالشعيريه الباكستانيه

هذي الكيكه لذيذه وسهله وممكن تسوينها بروحها بدون طبقة الكريمه او الشعيريه الباكستانيه

ولاتغركم المكونات ترا سهله

مقادير الكيكه :

- 1 ونص كوب طحين
- نص كوب زيت ذره
- نص كوب كريمه كي دي دي الكويتيه اللي كرتونها لونه احمر... يعني نص الكرتونه
- 3 بيضات
- 1 كوب سكر
- 1 ونص ملعقة كبيره بيكنق بودر
- شوية فانيليا سائله

مقادير الصلصه البيضا :

- 2 ملعقه كبيره قشطه او قيمر
- 2 ملعقة كبيره نشا
- كوب حليب طازج سائل
- نص كوب كريمه حمره (نستعمل نص كرتونة الكريمة الحمره اللي استخدمناها مع الكيكه )ا

مقادير الشعيريه :

- كيس او نص كيس شعيريه باكستانيه مفتته ناعم
- نص زبده او ثلاث ارباع زبده حسب كمية الشعيريه

ملاحظات :

ممكن تسوين هالملاحظات اذا حبيتي وممكن لا

- البيض والحليب والكريمه والقشطه تكون بدرجة حراره الغرفه
- ننخل الطحين والبكنق بودر عشان تنفش الكيكه اكثر


طريقه الكيكه:

1- نخلط كل مكونات الكيكه في خلاطة الكيك ونصبها في قالب بايركس مستطيل وندخله الفرن بالرف الاوسط والنار من تحت على درجة معتدله

طريقه الصلصه البيضا :

2- نخلط المقادير في قدر صغير ونحركه على النار لين تثخن
3- نصبه على طول فوق الكيكه قبل لايجمد

ملاحظه :

لاتسوين الصلصه الا بعد ماتخلص الكيكه وممكن تخلين الكيكه تبرد وممكن تصبين الصلصه على الكيكه الحاره

طريقة الشعيريه الباكستانيه :

4- في قدر صغير نحمس الشعيريه مع الزبده لين يصير لونها بني فاتح
5- نحطها فوق الصلصه البيضا
6- نخلي الكيكه لين تبرد وبعدين نقطعها مربعات ونصفها في طبق التقديم

ملاحظه :

- الافضل تسوين الشعيريه في الوقت اللي تنطرين الكيكه لما تخلص من الفرن وبعدين تطفين النار اذا تحمرت وتخلينها على جنب
- كثرة الشعيريه تتفتت اثناء الاكل يعني ممكن تسوين نص كيس شعيريه بس انا جربت كيس كامل لاني احب طعمها

بالعافيه :cook: