كيفكم جميعاً ..
هذا أول موضوع لي بالمنتدى وأتمنى ينال على إعجابكم ..
هذا الله يسلمكم كان عندي ربطة جلي وتاريخهم قارب على الانتهاء قلت خليني أدور كيكة وألا حلى أسويه فيه وسيت لكم هذي الكيكة ..
عبارة عن ثلاث طبقات ..
الطبقة الأولي .. أي كيكة بيضاء عادية
مقادير الكيكة :
علبة زبادي - بيضتين - وبمقياس علبة الزبادي ( علبة دقيق - 3/4 العلبة سكر - 1/2 العلبة زيت ) -
فانيليا - 2 م ص باكينج باودر .
الطريقة :
نخلط البيض والفانيليا والسكر حتى يمزج جيداً ثم نضيف الزيت ثم الزبادي وبالتدريج الدقيق والباكينج باودر ..
ندهن الصينية بالزيت ثم ترش بالدقيق ثم تدخل الفرن ..
والنتيجة كذا ..
الطبقة الثانية ..
المقادير :
علبة قشطة قيمر - 8 حبات جبن كيري - كيس دريم ويب - كيس جلي فراولة - 2 م ك حليب بودرة - كاس ماء مغلي
الطريقة :
نخلط الدريم ويب والقشطة والجبن والحليب بالخلاط حتى يتجانس وقتها نكون ذوبنا جلي الفراولة بكاس ماء مغلي
وخليناه يدفى شوي ثم نضيفه شوي شوي للخليط السابق ونخلطه آخر شيء نصبه على الكيك وندخله الثلاجة يبرد .
وبتطلع الطبقة الثانية كذا
الطبقة الثالثة ..
كيس جلي فراولة - كوب و3/4 ماء مغلي
نذوب الجلي بالماء المغلي ونتركه يبرد زوبعد ما تتماسك الطبقة الثانية زين نطلعها من الفريزر ونصب طبقة الجلي عليها شوي شوي بالملعقة ونخليها بالثلاجة ونزينها بقطع الفراولة ..
للأسف ما كان عندي فراولة ..
لكن طعمها لذيذ وتشبه التشيز كيك يعني بنت عمها تقريباً ..
لا تنسوا شكراً إذا عجبتكم ..
وأشوفكم في الأطباق المجربة ..
وهذا صورة بعد التقطيع ..
صحة وعافية على قلوبكم
يعطيك العافيه علي الكيكه الحلووووووه