كيف الحال....وش العلوم.........عساكم بخير
انا اليوم بوريكم ثلات اكلات من عمايل يديا ..
اولها: ورق العنب
وطريقته:
اول شيء نصلح الحشوه وهي عباره عن كأس رزمصري يخمر في ماء وكيسه وحده لحم مفروم
اول شيء يحمس البصل وهو مقطع صغار ثم يضاف له طماطم مقطع صغار ثم يضاف كأس الرز وكيسة اللحم
المفروم ، ثم تضاف البهارات والماجي والفلفل الحار وغيره من البهارات اللي تحبين..
وبس بعدها يلف ..........
ويصف في صينية كبيره ويوضع عليه تقريبا كأس زيت زيتون و كأس ونص مويه وملح (على حسب رغبتك في درجة
الملوحه) <<مدري
من وين جبت ملوحه معه
ويغلف بالقصدير ويوضع في الفرن لمدة ساعة ونصف تقريبا...... والفرن شغليه قبل بشوي عشان يحتمي
ولما يخلص صبي عليه كأس أو كأسين زيت زيتون وعصير ليمون وتركيه يتشربه وبس
ولما يبرد دخليه الثلاجه وبس
ويمي يم ع الطعم الخيالي
وهذي الكميه تكفي علبة ورق عنب كامله..
طعمه خياااااااالي
وعوافي على قلوبكم
وثاني طبق لعيونكم : الكيكة بحبة البركه والسمسم
وطريقتها من المنتدى من احد العضوات الله يجزاها خير <<<<<< هي العضوه جالكسي وهي
كيكة امها
الله يجزاها خير هي وامها
ما شاء الله مضبوطه ميه بالميه
وطريقتها:
4 بيضات + 1 ملعقه صغيره فانيليا + 1 كاس سكر + ثلاث أرباع كاس زيت + 1 كاس حليب مجفف +2 كاس دقيق +
2ملعقه كبيره بيكنج باودر + 1 كاس ماء ... وبس
تخلط جميع المقادير مع بعض
بس انا اضفت عليها من فوق خطوط بحبة البركه والسمسم
والله لذيذه
ثالث شيء : الكنافه الكذابه
وهي كمان من المنتدى من وحده من العضوات الله يجزاها خير والله قهر المره الثانيه اذا حفظت طبخه بحفظ
اسم العضوه معها ... لانهم يستحقون الشكر بصراحه
ايه العضوه هي what if<<<<<<<<<<<<<الف شكر من قلبي
لقيت اسمها في صورة الكنافه
وهذي مقاديرها:
اولا/ كيس خبز توست منزوع الحواف
نصف اصبع زبده صغيره
ثانيا/ الحشو ...
2 علبه قشطه
4 ملاعق كبيره سميد
1 ملعقه كبيره نشا
6 ملاعق كبيره حليب بودره
2 ملعقة سكر
6 حبات كيري
2 كاس ماء
ثالثا/ شيره
طريقتها:
نحط التوست في الخلاط الكهربااائي حتى يتفتت وبعدين نضيف له الزبده وتكون سايحه ونحركها الى ان يتشرب التوست الزبده
نخلط مقادير الحشوه مع بعض ماعدا القشطه والكيري
نحطهم على النار الى ان تتماسك بعدين نضيف الكيري والقشطه ونقلبهم مع بعض
نقسم خليط التوست الى قسمين نحط نصفه بالصينيه
نصب على التوست الحشو ونوزعه
نحط النصف الباقي من التوست على الحشوه
ندخلها الفرن على درجة 180 الى ان تتحمر ونتركها تبرد شوي
ووترا طعمها خيااااااااااالي والله عن تجربه وكل يوم اهلي يقولون سويها
حتى امي اعجبتها مع انها حاليه مره
انصحكم فيها
وبس
انتظر ردودكم على أحر من الجمر
مـــــــــــــــــــــــــــــــــــــــــــــــع الســـــــــــــــــــــــلامـــــــــــــــــــــــــــــــــــــــــــه
ماشاء الله تبارك الله
اطباق روعه جزاك الله خير
مشكوره جدا الطبق والطريقه مع بعض (الله يبارك فيك)الصفه هذي ممتازه جدا