هذه الكيكه معروفه من زمان .. والبعض يقول إنها كيكه إسفنجيه ..
المهم فيها إنها ما تحوي دهن إطلاقاً ..
يفضل إنه يكون عندك مضرب الكيك الكهربائي التقليدي
المقادير :
بيض " من ثلاث لأربع بيضات " إذا الكوب المستخدم كبيريعني مو الكوب المعياري خلوا البيض 4 أو 5
كوب سكر " بس أنا أستخدم ثلاثة أرباع الكوب "
كوب دقيق سادة أو دقيق الحلويات .. " دقيق الحلويات بداخله مواد رافعه " لكن في الحالتين النتيجه وحده
البيكنج بودر إختياري مو ضروري .. وأنا ما إستخدمته لا لم إستخدمت الدقيق السادة ولا لم إستخدمت دقيق الحلويات ..
فانيليا أو قرفه أو هيل أو أي نكهه تحبوها .. المهم عشان زفرة البيض .. " معلومه قديمه أدري:S_45:
يعني المقادير بإختصار " كوب دقيق + ثلاثة أرباع الكوب سكر + من ثلاث لأربع بيضات " + فانيليا
لا بيكنج بودر .. ولا زيت ولا زبدة :icon35:
الطريقه :
ضرب البيض والسكر والفانيليا بالمضرب الكهربائي " ما جربتها يدوياً " إلى ما ينتفخ البيض ثم إضافة الدقيق تدريجياً وخلطه في إتجاه واحد ..
معلومه مهمه :
الكيكه لذيذه بثلاث أرباع الكوب سكر .. وفي نظري الزيادة بتخليها حاليه زيادة .. إلا لو زدتوا كمية البيض يمكن تكون معقوله ..
2 _ أنا سويتها كذا مره .. مره طلعت منفوشه ولذيذة لأني خليت البيض ينتفخ وكنت حريصه وأنا أضيف الدقيق وأخلط ببطء عشان ما يروح الهواء .. المهم كانت روعه ..
ومره خففت ضرب البيض وطلع إنتفاخها معقول لكنها طلعت لذيذه كمان .. والطعم روعه ..
فلو بتسووها ممكن تعطيكم أكثر من طعم .. حسب طريقة الخلط .. لكن في النهايه الكيكة ممتازة ..
وهذه الصور .. عملتها مرات كثيره وهذه مرتين مصورتها لكم ..
ماشاء الله لا قوة إلا بالله
وإن شاء الله تجربوها وتعجبكم :21: