عساكم بخير اخواتي وحياكم الله جميعا
اليكم كيكة بسيمه حلوه وماتاخذ من وقتك واذا مع االشاي او القهوه
تنفع يعني مع القهوه تضيفي عليها اللي تبين شيره او حليب نستله
او توفي ..... ومع الشاي تخليها ساده بالمكسرات
طولت عليكم يالله
نبداء بسم الله
المقادير
كوب دقيق
كوب سميد ناعم
كوب جوز الهند
كوب سكر ناعم
3/4كوب زيت
1/2 1كوب حليب
ملعقة بيكن باودر
نص ملعقه صغيره هيل
فستق مبشور
اول شي نخلط المقادير الناشفه مع بعض الدقيق والسميد وجوز الهند والبيكن باودر والهيل
ثم نخفق السكر والزيت والحليب مع بعض بالمضرب اليدوي او الكهربائي
ثم نضيف المواد الناشفه ونخلط
ونصب الخليط في صينيه مدهونه ونرشها بفستق مبشور
وندخلها في فرن متوسط الحراره لحد ماتستوي 25دقيقه تقريبا ثم نحمرها من الاعلى
انا سويتها مع القهوه وعملت لها صوص شوكولاته
حمرت فنجالين سكر على النار واضفت له ملعقتين مسحوق كاوكاو وفنجال حليب سايل
بعد ماخلطتهم بالمضرب اليدوي وحركتهم مع السكر واطفيت النار على طول
ثم زينت الصينيه بالصوص (حسب الرغبه)
وهذا بعد ماقطعتها اقدمها لكم
ويالا نشوف رايكم بعد هالتعب
وبالصحه والعافيه