كيكة بصوص السينابون ( لذيذذذذذة )

بسم الله الرحمن الرحيم


خواتي سويت كيكة لذيذة بصوص السينابون

الصوص لذيذ جدا وكانه خلطة محلات السينابون

شوفوا واحكموا





المقادير :

في الخلاط الكاس : 3 بيضات + ملعقة فانيليا + نص كوب سكر + نص كوب زيت + ملعقتين زيت زيادة )

+ علبة حليب سائل مثل ( ابوقوس ) او اي ماركة ثانية تستخدمونها .

نضيف هالخليط علي :

1 ونص كوب طحين + 2 ملعقة bp

نصبه في صينية الكيك المفرغة من الوسط ونرش ملعقتين قرفة + ملعقتين سكر بودرة .

وتدخل الفرن لمدة نص ساعة الي ساعة الا ربع ( اي حتي تنضج الكيكة )


مقادير الصلصة واللي هي مميزة جدا وتعطي طعم لذيذ :

نذوب 3 فناجين سكر وقبل لا يذوب بالكامل ننخل عليه ملعقتين قرفة ناعمة + ملعقة كاكاو هيرشي

بودرة مرة لين يذوب السكر كله .

ثم نضيف علبة قشطة + 1/2 علبة حليب مركز ونخلطه لين يتكون عندنا خليط الصوص .

وبعد ما تنضج الكيكة نقلبها ونصب عليها الصوص وشويه هيرشي سائل

ونررشها بالجوز المحمص .

جربوها بهالصوص وايد لذيذة


وسلامتكم