كيكة تفاح مع عصير برتقال بس يمي يمي يمي!

هلا بنات
طبعا هذي أول مشاركه لي في أطباق عالم حواء وطبعا أبغى ترحيب جامد من الجميع وخاصة من الأخت المشرفه العسل عزيزه:39:
طبعا أنا ما أحب الطبخ ونادر ما أدخل المطبخ بس من جد اذا طبخت طبخت حلو>>>>>هههههههه وحد واثقه

المهم هذي طريقة كيكه أخذتها من كتاب طبخ أمريكي

المقادير:
3 كاسات طحين
4 بيضات
2 ملعقه كبيره فانيلا
1 ملعقه كبيره بيكينج باودر
3/4 كاس زيت
رشة ملح
كاس ونصف سكر عادي
نصف كاس عصير برتقال
فنجان سكر
قرفه
تفاحه مقشره ومقطعه (ويدجيز) يعني أنصاف شرائح بالعربي
وتوضع الشرائح بالماء عشان ما تسود

الطريقه:
بالخلاط نضع البيض والبرتقال والسكر والفانيلا والزيت
ونضيف الخليط قليلا قليلا على الطحين والبيكينج باودر ورشة الملح ونخلطه جيدا باليد فقط

بعد كذا نجيب هذي الصينيه حقت الكيك اللي مفتوحه بالنص وندهنه بزيت وبعدين نصب قليل من الخليط ثم نأخذ التفاح ونصفه فوق الخليط وماراح تغوص الحلقات لأنه الخليط متماسك نوعا ما وبعدين نغطيه بالسكر والقرفه ثم نصب أيضا قليل من الخليط ونكرر نفس العمليه و نأخذ التفاح ونصفه فوق الخليط وبعدين نغطيه بالسكر والقرفه ثم نصب بافي الخليط وبس وندخلها الفرن بدرجة حراره متوسطه الى أن تستوي وبعدين نتستناها تبرد ونأخذ سكين من غير أسنان وندور فيها حوالين الكيك والصينيه داير مادار ومن الفتحه اللي بالنص عشان لما نقلبه تطلع كلها وبعدين نقلبها ونغطيها بسكر مطحون وبالعافيه