طبعا مع الحمل باحاول اني اكل اشياء مفيدة وبما انني احب التمر واتعيجز اكلو وكل مرة اتحجج مع ايش اكلو وفي النهاية اكل كم حبة واخلص
بس دي الكيكة مرررررررررررة مفيدة فيها تمر كتير وحلاها واقف ولزيزة حتى الاطفال يحبوها بنتي ماشاءالله كل شوية تطلب قطعة
ماراح اتكلم كتير راح ادخل في الموضوع على طووووووووووووووول
عندي لكم طريقة كيكة خطيررررررررررررررررررررررررررررررررررررررررررررة بمعنى الكلمة
وللأمانة من زماااااااااااااااااان لقيتها في النت بس لا اعرف اسم الموقع ولا اي شئ غير اسمها ومقاديرها
المهم ندخل في المقادير مرررررررررررررة سهلة....
راح اقسم المقادير على 3 اقسام عشان تتسهل عليكم
طبعا اول شئ تفتحي الفرن
اول شئ مقادير الخفق :(( تبدأي فيها ))
3 / بيضات
1/ ملعقة شاي فانيليا
نقطة خل ابيض
4/3 / ثلاث ارباع الكوب سكر
تخفقيهم بخلاط الكيك مع بعض على سرعة متوسطة الين يسير زي الكريمة أهم شئ انها تسير زي الكريمة لا تستعجلي عليها
(( اثناء الخفق )) سوي دي المقادير
1 / كاسة حليب سائل دافئ
ربع / كاسة موية حاااااااااااااارة
1 / كاسة تمر معجون
وتخلطيهم بالخلاط الين يسير زي العجينة الرخوة وتخليها على جمب طبعا فوق خليط الكيك شغال في الخلاط
اخر شئ نجي لخليط الدقيق......
تحطي في المنخل دي المقادير على بعض وتنخليهم
كاسة وثلاث ارباع الكاسة دقيق
ملعقة كبيرة قرفة مطحونة
ملعقة شاي هيل مطحون
نص ملعقة صغيرة بيكربونات الصوديوم
ملعقة ونص B.P
ملعقة شاهي ملح
نجي للطريقة
طبعا احنا بدينا بخلط البيض على ما تجهزي كل المقادير الي فوق يكون البيض مع السكر والفانيليا والخل سار زي الكريمة
تزيدي عليه نص كاسة زيت الين يتجانس كويس
وعلى سرعة هادئة تحطي عليه خليط الدقيق دفعة ورا دفعة الين يتجانس
وحطي وراها خليط التمر بس يتجانسو حطيه في الصينية مدهونة زيت ودقيق
وفي الفرن لمدة 45 دقيقة
واختبري نضجها بالسكينة
ورشي فوقها وهيا حارة يا سكر بودرة يا سكر بني يا خلطة توفي المهم اي نوع سوس انتي تفضليه
واتركيها تبرد ويميمي
انا هنا ما سويت ولا خلطة عشنها هيا من غير خلطة خطيرة
ملاحظة: تقدري قبل لا تحطيها في الصينية تحطي معاها اي نوع مكسرات يعجبك لوز ولا جوز ولا زبيب اي شئ يخطر على بالك
وهادي صورة للحبايب