كيكة جبنة كيري حلوة وايد

هاي لأحلى عضوات بأحلى منتدى بعد مشاركتي الاولى معاكم حبيت اشارك بعد في طبق ثاني اتمنى يعجبكم يمكن المقادير ما تستهويكم وايد بس تراه حلو لما ينأكل :27:

المقادير :-
12 قطعة جبنة كيري
علبة حليب مركز و محلى
بيضه واحدة
ملعقة صغيره فانيليا سائله
علبة و نصف بسكويت ليبانيز ( لون العلبة اصفر و مكتوب عليها بالاحمر ليبانيز بس بالانجليزي )
60 غرام زبده
50 حبة تمر
50 حبة فستق او جوز
علبة قشطة او قيمر

الطريقة :-
نفتح كل قطعة تمر و نضع فيها حبة جوز او فستق و نتركها على جنب ، بعدين ناخذ خلاط العصير و نضع فية بيضه و 12 قطعة جبن كيري و الحليب المركز المحلى و القشطه و ملعقة صغيرة فانيليا سائلة و نتركه ينخلط مع بعضه في الخلاط .
بعدها نروح نجيب البسكويت و نذوب الزبده و نحطها مع البسكويت في المكينه ( اللي تطحن البسكويت و البقدونس حق التبوله )
المهم ينطحن البسكويت مع الزبده لين يصيرون مثل العجينه بعدها ناخذهم و نحطهم في صينية طول اطرافها 2 سم نحط البسكويت مع الزبده و نصف قطع التمر بترتيب فوقه و بعدها نسكب الخليط اللي سويناه قبل اللي يحتوي على جبنة الكيري و نحطها في الفرن و نشغل اللي فوق بس و نخليها لين يحمر الوجه و نطلعها و نقطعها و نحطها في حصن للتقديم و بالهناء و الشفاء .
اخيرا خلصت :icon28:
انشاء الله ما اكون طولت عليكم بس الطبق طويل و سامحوني اذا طولت :(
بس بليز اللي ما عجبه الطبق يقول رايه بصراحه اوكي .....
:10_8_9: <---------- و الله حلو شوفوها شلون تاكل منه