خواتي بنات حواء شحالكم...؟؟؟ وحشتوني وااايد واااااااااايد
ومن زمان ما شاركت بمشاركة جديدة...
وقررت أنزللكم هذي الكيكة إللي سويتها وكل من ذاقها سألني عن طريقتها...
وما بقى منها غير قطعة... خشيتها عن بو عواشي قبل ما ينقض عليها...
ههههههههههههه
بنات سامحوني لو طلع الموضوع مكرر... والسموحة منكم لو الصور ما طلعت حلوة واااايد... لأن تلفوني بعيد الشر عن تلفوناتكم مخرف... والكاميرة مالته ما أدري شو ياها...ههههههههههه.... خرفت بعد :hahaha:
بس أهم شي الصور ماشي حالها... وأي استفسار من عيوني...:26:
يلة المقادير علشان طولت عليكم؟؟؟؟
علبة كيك جاهز... بتي كويكر الخلطة البيضاء...
سويها نفس ما مكتوب على العلبة ولكن استبدلي كوب الماء بكوب حليب سايل يطلع طعمها أحلى والله وضيفيلها...
1 كوب بسكوت مطحون
1 م ك B.P
1 م ص فانيليا
3 م ك جرفة مطحونه
1 كوب جوز (عين الجمل) مكسر إلى قطع متوسطة وصغيرة الحجم
1 كوب تمر (على شكل كور) يعني تعجنينه لين يصير سح وتكورينه كور صغيرة مثل التيلة
1 علبة زبادي (روب)
1/2 كوب حليب سايل (نص كوب ماي نذوبه في 2 ملاعق طعام نيدو) أو أي حليب سايل مب اتزيدين وااايد حليب... لازم تطلع لج عجينة الكيك مثل الكريمة أوكيه
مب لازم اتخلصين الحليب السايل كلة ضيفيه شوي شوي...
إخلطي المقادير,,,, ما عدا السح والجوز... بعد ما تجهز خلطة الكيك... صبي شوي منها في في تيفال مدهون ومرشوش بالطحين... ورشيها شوي بالجوز والتمر... وبعد مرة صبي خلطة الكيك... و رشي جوز وتمر... وهكذا
علشان يتداخلون مع بعض... هههههههههههههه
وبعد ما تخلصين رشي فوقها باقي الجوز... وكرات التمر
دخليها الفرن لمدة نص ساعة... إلى أن تنضج
ويله جهزي خلطة التوفي
وهي كالتالي؟...
1 كوب سكر + 2 قشطة + 1/2 فنجان ماي + 2 ملعقة زبدة
أول شي نحمر السكر ونضيف الزبدة ثم القشطة وآخر شي نضيف 1 م نسكافية (حسب الرغبة)
ونصب التوفي فوق الكيكة... ومن ثم نرش فوقها الجوز
وتقدم مع القهوة ... وصحتين وعافية على قلوبكم...
بنات....
دخيلكم إدعولي... ولكل المؤمنين والمؤمنات والمسلمين والمسلمات ولـ بوعايشة... وعايشة... الله يحفظنا ويبعد عنا عيون الحاسدين والظالمين آمين يا رب العالمين
وبارك الله فيكم...
أحبكم في الله :)