كيكة جزر رهيييييييبه

السلام عليكم ورحمة الله وبركاته


يبت لكم كيكة جزر إنما إيه
عن نفسي حربت كم وصفة لكن هاذي رهيييبه وجربوها واكيد ما بتندمون خاااصه اللي يحبون هالكيكة اضمنها لكم..

المقادير

2 كوب طحين منخول
1 كوب سكر
4 بيضات
نصف كوب زيت
1 كوب جزر ( لازم ما تفرمونه فرم، يعني تكون حباته بعد ما تبشرونه شوي اكبر من الفرم.. ان شاء الله فهمتوا عاد لاني مب عارفة كيف اوضح هالنقطه)
عصارة ليمونه وحده مع بشرها
2 ملعقة بكن باودر
2 ملعقة قرفة
1 ملعقة هيل
1 ملعقة صغيرة فانيلا



الطريقة

ولازم تتبعون الخطوات بالضبط عشان ما تخرب الكيكة ويروح جهدكم هباء منثورا:ohwe:

اول شي نخلط البيض مع السكر لمدة 7 دقايق مو أقل

أضيف الزيت مع الجزر واخلط لمدة دقيقتين زيادة

بعدين اتركي الخلاط على جنب وشمري عن ساعديج بسج دلع:icon31:

المهم ضيفي بعدين الطحين على دفعات واخلطي بيدج ولا تنسين تضيفين بعد البكن باودر والفانيلا والهيل والطحين والليمونه ولا تنسين مع بشرها ، واذا ما عندج ليمون مب مشكلة تقدرين تستغنين عنها بس مع الليمونه تصير احلى

والخلط يكون باتجاه واحد يعني كأنج تدورين عقرب الساعه باتجاه واحد مو تقعدين تفحطين في الخلطة :icon29:


ان شاء الله عاد تعجبكم واللي تجربها ياليت تخبرني كيف طلعت معاها

وداعة الله