كيكة حبيبة (حلويات أوبرا)

مساكم الله بالخير جمييييييييييعاً
حبايبي هذي طريقة كيكة حبيبة الي تنباع في محل حلويات أوبرا الي بقرطبة سعر الصغيرة 10 دنانير والكبيرة 20 دينار هههههههههههه ومني لكم ببلااااااااااااش ..
حياكم ..
المقادير:
كيك ككاو سرالي / كيك فانيليا سرالي / كورن فلكس ككاو / قطع فراولة ومنجا / علبة قيمر / ربع كوب ككاو باودر / كيس دريم ويب / 8 جبن حبة كيري / نصف علبة حليب نستلة الكبيرة .
الطريقة :
1. يقطع الكيك قطع متساوية .
2. يرص كيك الككاو في قاع البايركس .
3. توضع قطع الفراولة والمنجا على الكيك .
4. يخلط القيمر مع الككاو البودر وكيس الدريم ويب جيداً ثم يوضع على المنجا .
5. ترص قطع كيك الفانيليا .
6. يرش بالكورن فلكس الكمية حسب الذوق .
7. يخلط الجبن مع حليب نستلة جيداً ثم يرص كطبقة أخيرة ..
8. يزين بمبشور الككاو .

تراهي لذيذة حييييييييييييييل وكل ما أسويها عبالهم جاهزة بس للأسف ما صورتها لكم ..
ملاحظة : الكيكة الأصلية يكون فيهاكريمة بيضاء بعد طبقة كيك الفانيليا وفوقها خليط الجبن بس آنا ما أحط عشان لا تصير ثقيلة ...