شلونكم يا خواتي الحلوين :26:
اليوم يبت لكم كيكه حوض السمك و ان شاء الله تعجبكم
و هاذي صورتها
انه بشرح الطريقه مع المقادير :
اول شي تسوين أي كيكه انتي تحبينها و انه استخدمت كيك الجاهز و صبيتها في قالب مستطيل مثل جذي
و بعد ما تبرد تقلبها و نغسل القالب لانه راح نستخدمه مره ثانيه و نبطن القالب بالقصدير و نحضر جلي ازرق و لعدم وجود جلي لونه ازرق انه اسويت فالوده و اضفت لون ازرق و طريقة الفالوده انه ناخذ كميه من الفالوده و تحطه على النار مع ماي و سكر حسب الطعم لين يذوب و انه ما عرفت المقدار بس تقربيا ربع فالوده و 3ك ماء و بعد مايذوب تختبر تماسكها يعني نصب شويه من الفالوده في فنجان و ندخله الفريزر تقربيا خمس دقائق إذا تماسك و صار جامد وايد نزيد ماي على الفالوده المذابه و بعدين نضيف لون ازرق شويه مو وايد و تصب الفالوده في القالب ألي مبطن بالقصدير (نفس القالب ألي سوينه فيه الكيك)و ندخل القالب الثلاجه لين ما تتماسك الفالوده
و هاي صوره الفالوده حق ألي ما تعرفها
و بعد ما تتماسك الفالوده نرجع الكيكه في القالب يعني نحطها فوق الفالوده و نقلب القالب على طبق القديم يعني يصير الكيك تحت و الفالوده فوق و نشيل القصدير شوي شوي يعني برقه و نعومه لانها بسرعه تتشقق الفالوده و تستخدمين السكين عشان إذا كانت الفالوده لاصقه في القصدير
لييييييييييييييحيييييييييييين ما خلصت
و اتمنى محد يرد عشان ما يتقطع الموووووووووووووضوع اوكي يا حلوين
و شكرا:)
و سويت كريمة دريم ويب و ضيفت لون ازرق و زينت اطراف الكيكه و سويت تموجات في الاطراف يعني بحر
هاذي التموجات سويتها بسكينة كريمه الصغيره
و هاي انواع الحلوى ألي استخدمتهم :شوكلاته على شكل اصداف قطعتها بالنص بالسكين و حلوى على شكل حجاره و حلوى على شكل دود بس قطعتها بالمقص بالنص عشان يعطي شكل مرجان و حلوى الوان على الاطراف (اختياري) و المفروض احط حلوى على شكل اسماك بس للأسف للأسف للأسف ما حصلت و صادني احباط في السوبر ماركت لاني ما حصلت و اضطريت احط حلوى على شكل دب معليه دب البحر
و بس و ان شاء الله اعجبتكم الكيكه ترها سهله إذا بتحضرين كل شي جدامج
و مع السلامه
و نتظر رايكم