السلام عليكم ورحمة الله وبركاته
كيفكم واخباركم ان شاء الجميييع بأتم الصحه والعافيه
هذي الله يسلمكم كيكة أمي المشهوره فيها عندنا بالعائله لدرجة ان الي نعرفهم يسمونها باسمها .. كيكة ام فلان :35:
ممكن انها تكون معروفه عند الجميع بس يالله قلت ادلو بدلوي وعسى ماتكون مكرره :mad:
الموهيم مالكم بالطويله .. المقادير بالترتيب تحطونها بالخلاط بتاع البيض << الخفاقه
4 بيضات + 1 ملعقه صغيره فانيليا + 1 كاس سكر + ثلاث أرباع كاس زيت + 1 كاس حليب مجفف +2 كاس دقيق +
2 ملعق كبيره بيكنج باودر + 1 كاس ماء ... وبس
الطريقه
تخلط جميع المقادير مع بعض
ثم نحط ثلاث ارباع الخليط بصينيه مدهونه بزيت
والربع الباقي نضيف له ملعقتين شوكولاته مره ونصبه بوسط الكيكه بهالشكل
ونبدأ بتحريكه بملعقه او سكين ( أنا حركته بملعقه ) وتدخل الفرن وتحمر مثل الكيك العادي اول تحت واذا تحمرت الأطراف نحمر من فوق وتختبر بعدو أسنان .. والصور تتكلم
وهذا شكله بعد التقطيع .. شوفو كيف يطلع مموج بعد تحريكه بملعقه
وهنا زينته بهيرشي والمفروض نستله بس ماكان عندي للأسف
طبعا هذي الكيكه مانستغني عنها ابدا ابدا كل مانسافر على سياره مثلا للشرقيه او الغربيه وسفرات زي كذا لازم نسويها معانا للطريق .. ويوم تزوجت صرت اقلد امي واسويها اذا سافرت بعد :35:
هذا الشكل الأول والتقليدي .. الحين بانزلها بالشكلين الباقين .. ورجاااااااء عدم الرد الا بعد انتهاء الموضوع ..