كيكة سمارتيز اللذيذة

مرحبا بكم حبيباتي شقيقاتي الجميلات

امــــــــــــــــــــــواه لكم كلكم فديتكم

اكيد متعجبين وشهو سمارتيز ،،،،،،،،، شدعوووووووووووووه الكل عارفه طبعا

اسمعوووووووووووووووو امي تناديني حق الغدا صرااااااااااخ من مساعه معاي بس ماني نازله اولشي اكتب لكم الطريقة حقت الكيكة وبعدين اروح

شوفي حبيبتي الكيكة طريقتها مره حلوه

المقادير
3كوب طحين بالخميرة
2 قشطة (قيمر كويتي) لازم كويتي تراه مو تسوينها بقشطة ثانيه ترى اذبحكم
2 دريم ويب
1كاس سكر
3 بيض
نص زبدة لورباك سايح او المراعي اصبعين زبده
نص كاس حليب سائل
كلهم اخلطيهم على خلاطة الكيك وادهني الصينيه واخبزيها بالفرن
وطلعيها خليها تبرد

التوبينق (صلصة الوجه حقت الكيكة ) .................. امحق تعريف المهم لاتضحكون علي

شوفو مقاديرها
2 حلاوة سمارتيز هذا ابو ريال ونص اللي يجي حبيبات دائرية ملونه
لاتشترين غير سمارتيز مابي ترى ماتضبط
1 كيس دريم ويب
1قيمر كويتي (لازم)
شفتي النوتيلا؟؟؟؟؟ الشوكولا الكريما؟؟ اخذي الكاس الصغير الل ييبيعوه ؟؟ مو تاخذين القدر كامل لالا نبغي الكاس الصغير بس اخذي نصه او ثلاث ارباعه
اخلطيه مع القيمر وكيس الدريم ويب اخلطيهم زين


وامسحيهم على وجه الكيكة وصفي حبيبات السمارتيز على وجه الكيكه

نصيحة لما تحطيها قدام البزران (الاطفال) حطي بالك عليهم لايتذابحون ويتهاوشون لان دايما تصير عندنا هوشه على هالكيكه من اسويها مدري ليش

يمكن بسبب حبيبات السمارتيز الملونه ،، او مدري وش السالفه بالزبط اتمنى اللي تعرف تقوللي

هالكيكه اخوي الصغير دايما يقوللي سويها لي لما تصير عندهم حفله بالمدرسه عاد انا اسوي له صحنين كبار ويرجع لي بدون الصحون

نصيحة استعملي البايركس المستطيل الكبير احسن للكيكة ولما تجهز الكيكه لاتطلعيها من البايركس صفي الكريما عليها وهي بالبايركس وزينيها ،،، وقدميها مع البايركس احسن طريقه وسهله ،،، هالايام البايركسات اللي طالعه حلوه وتهبل تصلح للتقديم
ان شالله تعجبكم وبشروني
بنات اي خدمه او اي سؤال او استفسار ارسلولي رساله على بريدي الخاص هذا بالموقع عشان اشوفه بسرعه لاني يمكن ماشوف الردود اللي تجي بالمواضيع

وشكرا لكم ............