كل عام وانتم طيبين ...
كنت ناويه انزل حلويات العيد دفعه وحده في وقتها لكن مالله اراد البلوتوث في لاب توبي خرب والجهاز المكتبي مااحب اشتغل عليه ..
خصوصا اني تعودت ع الاب توب
وعملت فورمات للجهاز اليوم وكنت ادعي ان ملفي الخاص اللي كله صور ماتروح ...
والحمدالله فتحت الجهازوحصلتها قلت انزلها على دفعات بالبدء الحلى
الي بتوقيعي
لااني مثلكم مااحب الترقب والانتظار ...وكمان لعيون البنات اللي استعجلوني
طولتها عليكم .. المهم هذا من الذ حلوياتي الخاصه للاحباب
كيكة سويسرول بالايسكريم كيكة الاحلام
رائعه ..ورائعه ..ورائعه
اول ماتذوقيها لازم تقولي ..امممممممممممممممممم تجنن والحكم لكم من الصور
نبدا بالمقادير ...
مثل ماعودتكم مقادير بسيطه تطلع في النهايه حاجه عظيمه
مقادير الكيكه
كيك ارامكو بالفانيلا ..ملعقين شوكلاته بودره
مقادير الايسكريم
_ 2 قشطه اولكر في الصوره واضحه وحده
_ ضرف واحد كريم كرمل
_ ظرفين دريم ويب
_ 3 ملاعق حليب
- كوب ماء بارد
( احيان اضيف ملعقة نسكافه لاني اعشق القهوه ونكهتها )
من المعروف انو طحين ارامكو
تضفين الماء فقط عليه ويوضع في الصينيه
وتطلع لك كيكه ولاااحلى
طبعا وضعت نصف فانيلا ونصف الثاني خلطت الشكولاته معه مثل ماهو واضح بالصور وحطيت كل واحد بكيس
وبعدها جبت صينيه مستطيله وضعت ورق الزبده عليها ثم قصيت طرف كل من الكيسين اللي فيها عجين الكيك .. وحطيته بشكل طولي ونحيف.. مره فانيلا مره شكولاا
لحد مانتهينا..على فكره فتحت الكيس لازم تكون صغيره عشان مايطلع كثير ويخبص عليك يالغلا..
وبعد منتهينا على طول الفرن لمدة 30 دقيقه ..وتطلع وتخلى برا لحد ماتبرد تماما
الحين نعمل مقادير الكريمه ..ويفضل عملها قبل الكيكه بيوم واحد
طبعا نخلط ظرفين الدريم ويب بكوب الماءالبارد جدا والمخلوط بـ3ملاعق حليب
حتى يثخن قوامه وينتفخ وبعدها نضع الكريم كرمل والقشطه ..
وبعدها نضعها في كاسين اسطوني الشكل او في قصدير ويبرم بنتباه على شكل اسطواني وعلى طول للفريزر
ولمدة 8 ساعات مثل ماقلت لكم يفضل عمل الكريمه قبل الكيكه بيوم ..
وبعد ماتجمد على طول نضعها على الكيكه ونلفها ع شكل سويسرول بسرعه
وبدون ماتلفين ورق الزبده معها ..
وطبعا الف بيكون بشكل طولي مو بالعرض
وبعدها طلعيها وقطعيها بشكل حلقات ..
وتقدم ..
وهنا صوره من جانب اخر
وستمتعي بالطعم ودعيلي ... ادعيلي ..ادعيلي ..لاتنسي لك بالمثل
:::::::::::::::::::::::::::::::
دعوه "
من كل قلبي للعضوات الغاليات الي اتعب وانزل موضوع ويردون علي بكلمة طيبه"
اسال الله العظيم رب العرش الكريم ان يرزقها بخيري الدنيا والاخره ويعطيها حتى يرضيها "
:::::::::::::::::::::::::::::::::::::::::::::::
تنويه"
بخصوص حلى القلوب على هذا الرابط
http://forum.hawaaworld.com/showthread.php?t=1882843
والاسئله عن القوالب
يابنات لقيتها اليوم في محل ملتقى الخبازين بحي السلمانيه شارع الضباب "
دمتم حب:26: