كيكة شوكولاته تدعيلي من لذاذتها الحقيىىىىى عليهااا

:41:
بنوتات ياحلوات اليوم جايبتلكم كيكه وربي انها تطير عيونتس وعيون اللي انتي مسويته لهم لذييييييييييذه صح يبيلها وقت وشوي اغراضها كثيره بس صدقوني عملها سهللللللللل وبالاخير بتتلذذين بالطعم :32:
يالله نبدا بسم الله:cook:
شوفي طال عمرتس تجيبين صنيتين دوائر مقاس بعض هذولي البايركس تدهنينها بشوية زيت وتنثرين فوقها دقيق بعدين طال عمرتس تجيبين كيك بالشوكولاته بيتي كروكر او العلالي اللي عندتس وتسوينه زي ماهب مكتوب من ورى الكرتون بعدين تصبين الخليط بالصنيتين بالتساوي يعني صار عندتس صنيتين كيك وتدخلينها الفرن لحد ماتستوي تقريبا ثلث ساعه بعدين طال عمرتس الا طلعتيه خليه لمن تبرد انا اخليه كذا ساعه الاربع بعدين تجيبين صينيه دائريه تدخل الفرن وتكون هي اللي راح تقدمين به الكيكه انا استخدم حقت البيتزا البايركس وتاخذين الكيكه وتقلبينه على منخل علشان وجهها مايلصق بعدين تحطينه بالصينيه ولاتس مسويه خلطه اللي هي /
من 20 الى 30 حلاو بقر << كل ماكثرتي احسن
ربع قالب زبده
ربع كاس حليب سايل
تخلطينهم على حمام مائي لحد مايذوب الحلاو بعدين تصبين الخلطه على الكيكه بعدين تاخذين حبيبات هيرشي اللي شكل دموع صغيره وتنثؤينهن فوق الخلطه تملينه ملي كللللللله واذا بغيتي زياده جيبي هيرشي السايل وحطي شوي منه على شكل خطوط وكذا بعدين جيبي الكيكه الثانيه واقلبيها فوق الاولى ودخليها الفرن من تحت بس شوي يمكن 3 دقايق انتبهي لاتحرق خليتس عند باب الفرن ليش .؟؟ علشان تماسك وحبوب الهيرشي تذوب شوي:o الا طلعتيه ولاتس مزينه 3 جالاكسي وملعقة كبيره قشطه ونص كاس حليب سايل تخلطينهم زين على النار لحد مايموع الجالاكسي وتصبينه فوق الكيكهوتزينينه بهيرشي الحبوب والساييييييل:cook:
صدقوني تعبه مهب خساره عليه سووها وادعولي واي سؤال انا جاهزه:55: