كيكة قهوه بس غير شكل

السلام عليكم يابنات صراحه هذي الكيكه اهديها لكل وحده تحب زوجها وكل وحده تحب اهلها اوصديقاتها لانه مميزه وعن جد يابنات رهيبه وتبيض وجهك عند اي احد تبين تكشخين عنده هذرتي واجده بس لاتلوموني لانكم اذا سويتوها تقلون ماتنلام المهم بابدا بالمقادير
اولا الكيكه وهي
2\1 2ك طحين
3\4ك سكر
3\4كزبده
1ك كريمه حامضه او اذا ماتوفر نخلط علبة زبادي مع ملعقةليمون
1بيض:cook:
مل ص فانيلا
مل ص روح لوز
2\1 مل ص باكنج بودر
2\1 مل ص باكنج صودا
رشة ملح
مقادير الحشو :06:
2علبة جبن فلاديفيا
2\1ك سكر +3مل ك طحين+2مل ك زبده+بيضه+2\1 ص فانيلا +4\3علبة الحشو الفطيره بالكرز
المهم نحضر الكيكه نخلط الطحين مع سكر وزبده ونخلطهم عدل يصير عندك فتات ناخذ منهم كاس ونخليه علي جنب عشان نحطه علي الوجه اسلمو الباقي نخلط عليهاالكريمه الحامضه والبيضه فانيلا والباكنج بودر والباكنج صودا ونخلطهم بخلاط الكيك لين ينخلطون عدل مدل ونحطهم في الصينيه الي تنفتح من جنب ونفرشها فيها وعلي الجوانب الصينيه تقريبا 2سم :time:ونجي للحشوه اكيد اني ادوشتكم بس الصبر زين والله مع الصابرين نخلط مقادير الحشوه ماعد ا حشوة الكرز خلطا جبدا ونحطها علي الكيكه وفوقها الكرز المهم باقي خلطة الوجه
وهي الكاس من الخليط الطحين الي بقيناه+2\1 شرائح لوز محموس ونحطها فوق الحشو واخيرا جاكم الفرج ندخلها الفرن اوه نسيت اقولكم عن روح اللوز هذي النكهه اختياري
يابنات اكيد انكم شفتو الكلام خفتو لكن صدقوني تراها سهله وفي نفس الوقت التبيض وجيهكم عند اهلكم:32:واي اسؤال ام الفزعات جاهزه