لي فترة ابغى انزل هذا الموضوع لكن لضيق الوقت تأخرت .
والحمدلله الليلة استجمعت قوايا وتحديت ظروف الوقت وقررت اطرحه بين ايديكم
و أتمنى أنه يرقى لذائقتكم و ينال اعجابكم
راح اقولكم سبب التسمية بعد مااكتب المقادير
وعلى الفكرة المقادير قليلة و مافيها بيض يعني اللي ماتحب البيض او عندها حساسية هذي الطريقة تناسبها
انصحكم تجربوها ويارب تعجبكم ،
نبدأ بالمقادير
كوب دقيق مع ملعقة صغيرة بيكنج بودر - كوب سكر ( ماحطيت كوب كامل لأني مااحب الحلا كثير ) - علبة فواكه مشكلة في شراب كثيف
ضرووري الفواكه تكون في شراب كثيف
وووبس هذي المقادير .. تخيلوا !!!!!
وطبعا مع شوية زيت لدهن الصينية لا غير ^_^
وسبب التسمية كوبا كوبا - ماعرف بأي لغة - انه المقادير بس كوب و كوب
الطريقة :
اول شي تسوينه لما تبغين تحضرين كيكة هو : تشغيل الفرن عشان يحمى
وبعدين نبدأ بالتحضيرات
فكي علبة الفواكه وحطي اللي بالعلبة كله بزبدية واضيفي لها السكر وحركي الين يذوب السكر
التحريك يكون بملعقة مو خفاقة وبرقة عشان ماتنعجن الفواكه !
اخر الشي الدقيق والبيكنج بودر وحركيهم لحد مايتجانسوا
وحطي الخليط بصينية مربعة 8 انش حوالي 20 - 21 سم أو صينية دائرية قطرها 9 انش يعادل 23 سم تقريبا
لأنه المقادير قليلة لازم تكون الصينية صغيرة
ودخليها الفرن على درجة 180 لمدة 20 - 30 دقيقة لما تشوفي الأطراف احمرت
بعد مانضجت شغلت عليها الفرن من فوق شوية بس الين اخذت لون اشقر
قدميها مع كريمة غير محلاة او لحالها
قدمتها لحالها لأنه ماكان عندي كريمة
جربوها وخلوني اشوف التطبيقات
:27: