كيكة لذيذة بصوص ألذ وينفع تحطوا عليها خلطاتكو الحلوة

السلام عليكم
كل عام وأنتم بخير
الكيك:23:
5 بيضات
كوب سمن
كوب ونصف سكر
كوب لبن رايب
3 أكواب دقيق
3 وحدات كيرى
ملعقة كبيرة بيكنج باودر
2 باكو فانيليا
ذرة ملح
الطريقة
نضرب البيض جيدا مع ذرة الملح ثم نضيف السكر ونضرب جيدا ثم نضيف السمن ونضرب جيدا ثم نضيف الكيرى ونضرب جيدا ثم الفانيليا وضربة وخلاص نقوم فى وعاء ونصب الخليط ثم فى وعاء أخر نكون نخلين الدقيق ومعاه البيكنج ونضع رشة دقيق على الخليط ونقلب بالشوكة بتاعة طقم المطبخ (الصراحة بتخلى الكيك روعة ومليان هواء فيه أخت معرفش هنا ولا فى منتدى تانى قالت المعلومة دى من الخادمة الفيليبنيه بتاعتها) المهم وهكذا رشة فرشة خلصت الكيك تقومى حضرتك تدهنى الصينية بمسحة سمن سائح وعلى السمن رشة دقيق وتدخلى الصينية الفرن وهى فاضية فقط برشة الدقيق والسمن خمسة كده وبعدين تصبى الخليط فى الصينية ( أوعى أيدك تتلسع الصينية سخنة) وفى الفرن لمدة 10 دقائق على 220 ثم 25 دقيقة على ال200 وبعدين تدخلى السكين فى الكيك لو طلعت نظيفة طفى الفرن .

الصوص :o
قرب ما الكيك خلاص حتغلقى عليها تعملى الصوص وبعدين تكون أستوت الكيك تشكشكيها بالشوكة وتصبى الخليط عليها و عليه بندق مجروش وبح.
المقادير
كوب سكر
3 ملاعق ماء
2 وحدة كيرى
وحدة مورو (أخت المارس بس ألذ)
2 ملاعق كبار زبدة فول سودانى
علبة القشطة
الطريقة
نسيح السكر ثم نضيف الماء والمورو والكيرى يسيح المورو والكيرى نغلق النار والقشطة نضيفها ملعقة ونقلب وهكذا خلاص القشطة نولع النار تانى بس تكون هادئة (ولو علكع التوفى نتركه شوية النار حتسيحه) ثم بعدما يذوب الخليط تماما نغلق النار ونضيف زبدة الفول السودانى والمكسرات وتقليب وصب على الكيك وبس شفتوا سهلة أزاى ولا تأخذ وقت:time: (المهم أنا الملعقة بس اللى مسك فيها الكلاكيع ولكن فكت الكلاكيع من كل الخيط بفعل الحرارة قمت بعد ما خلصت أخذت شوية حليب ومعاه الملعقة وعلى النار فى كنكة ساح التوفى فى اللبن وشربت مشروب لذيذ وأنتو لأ )أصلى بزعل لما حاجة تدهدر قوى ( أكيد حتقولوا عليه بخيله):(: يله جربوا وتعالوا أشكرونى هاهاها.) لا بجد لذيذة.
أختكم المحبة هبهوبة:cook: