رمضان مبارك علينا وعليكم..
حبيباتي جبت لكم اليوم طريقة حلى سهل وفكرته بسيطه ولذيذه
اللي مسويته اختي الغاليه ام نوره..لاتجي بكره تقول سرقتي كيكتي بس ترا انا اللي صورت..
المقادير:
كيكة بيتي كروكر بالشوكلاته..او اذا حبيتي سوي كيكة شوكولاته بالبيت
شوكولاته نيوتلا او لونا او جالكسي
ايسكريم فانيلا احلى شي كواليتي
الطريقه:
(في حال انك استعملتي كيك جاهز لاتحطين كل مقدار الماء هو مكتوب على العلبه كاس وثلث
اضيفي كاس ماء فقط عشان لاتكون طريه زياده)
المهم حطي نص كمية الكيكه في الصينيه واخبزيها..من فوق وتحت
طلعيها وهي حاره ادهنيها من فوق بشوكولاته سايله مثل نيوتلا او اذا حبيتي ذوبي مارس مع
قشطه وادهنيها..حنا استعملنا شوكلاته سايله حقت الساندوتش اسمها لونا طعمها لذيذ..
ارجعي صبي باقي مقدار الكيكه فوق الشوكولاته وضبطيها بالملعقه
ودخليها الفرن تتحمر من فوق..
اذا نضجت اتركيها تبرد شوي..هي حلاتها دافيه قطعيها شرايح وحطي شريحه بصحن التقديم
وضعي فوقه كرة ايسكريم فانيلا وشوي صوص شوكلاته مثل هيرشي او العلالي وممكن الاستغناء
عن الصوص.. وقدميها بالهنا والعافيه..
لاتقدمون الكيك بارد لو عملتيه من بدري الافضل انك تستخنينه شوي قبل التقديم عشان
الحشوه اللي بالنص تصير سايله..وتراه دسم يعني تكفيك شريحه صغيره..
الف صحه وعافيه,,
يسلموا ايديكي
زمااااااااااااااان عن اكلاتك الحلوة
مشكورةةةةةةةةةةةةة